Home > Sports > విరాట్ నెక్స్టే టార్గెట్ పాంటింగే

విరాట్ నెక్స్టే టార్గెట్ పాంటింగే

పద్మభూషణ్‌కు పీవీ సింధు పేరు సిఫార్సు
వరల్డ్ కప్ నుంచి వెస్టిండీస్ ఔట్

virat-kohli-apduniaఈడెన్ వన్డేల్లో 31వ శతకం నమోదు చేయడం ద్వారా ఆసీస్ మాజీ సారథి రికీ పాంటింగ్ సెంచరీల రికార్డును అధిగమించే అవకాశం కొద్దిలో మిస్సయ్యాడు. కానీ విరాట్ మరో అరుదైన రికార్డును మాత్రం అందుకున్నాడు. భారత విజయాల్లో కీలక పాత్ర పోషించిన ఆటగాళ్ల జాబితాలో సచిన్ టెండుల్కర్, రాహుల్ ద్రవిడ్ సరసన చేరాడు. అన్ని ఫార్మాట్లూ కలుపుకొని టీమిండియా విజయాలు సాధించిన మ్యాచ్‌ల్లో కోహ్లి 10 వేల పరుగులు పూర్తి చేసుకున్నాడు. ఇప్పటి వరకూ భారత్ తరఫున సచిన్, ద్రవిడ్ మాత్రమే ఈ క్లబ్‌లో ఉండగా.. తాజాగా విరాట్ కూడా అందులో చేరాడు. భారత్ గెలిచిన మ్యాచ్‌ల్లో అన్ని ఫార్మాట్లలో కలిపి కోహ్లి 10,059 పరుగులు చేశాడు. సచిన్ 17,113 పరుగులతో అగ్రస్థానంలో ఉండగా.. ద్రవిడ్ 10,860 పరుగులతో రెండో స్థానంలో ఉన్నాడు.విరాట్ కేవలం 179 మ్యాచ్‌లు, 193 ఇన్నింగ్స్‌ల్లోనే ఈ ఫీట్ సాధించడం విశేషం. టీమిండియా విజయాలు సాధించిన టెస్టుల్లో విరాట్ 2,472 రన్స్ చేయగా.. వన్డేల్లో 6,313 పరుగులు రాబట్టాడు. టీ20ల్లో 1,274 పరుగులు చేశాడు. సచిన్ టెస్టుల్లో 5,946 పరుగులు చేయగా వన్డేల్లో 11,157 రన్స్ చేశాడు. ఒకే టీ20 మ్యాచ్ ఆడిన మాస్టర్ 10 పరుగులు చేశాడు.ద్రవిడ్ విషయానికి వస్తే.. టీమిండియా గెలిచిన మ్యాచ్‌ల్లో.. టెస్టుల్లో 5,131 పరుగులు, వన్డేల్లో 5,279 రన్స్ చేశాడు. ఈ జాబితాలో వీరేంద్ర సెహ్వాగ్ నాలుగో స్థానంలో ఉన్నాడు. టీమిండియా విజయాలు సాధించిన మ్యాచ్‌ల్లో వీరూ 9,372 పరుగులు చేయగా.. గంగూలీ 9,102 రన్స్ చేశాడు. 28 ఏళ్ల కోహ్లి ఇప్పటికే వన్డేల్లో అత్యధిక సెంచరీలు బాదిన ఆటగాళ్ల జాబితాలో పాంటింగ్‌తో కలిసి రెండో స్థానంలో ఉన్నాడు. మరో 1500 పరుగులు చేస్తే వన్డేల్లో 10 వేల పరుగుల మైలురాయి దాటేస్తాడు. ఇప్పటికే వన్డేల్లో ఛేజింగ్‌లో ఎక్కువ సెంచరీలు చేసిన ఆటగాడిగా విరాట్ రికార్డు నెలకొల్పాడు.భారత్ గెలుపొందిన మ్యాచ్‌ల్లో (అన్ని ఫార్మాట్లూ కలుపుకొని) విరాట్ కోహ్లి 34 సెంచరీలు సాధించాడు. సచిన్ 50 సెంచరీలు చేయగా ద్రవిడ్ పేరిట 23 శతకాలున్నాయి. బ్యాటింగ్ యావరేజ్‌లో విరాట్ కోహ్లి ఇప్పటికే క్రికెట్ గాడ్ సచిన్‌ను దాటేశాడు. భారత్ గెలిచిన మ్యాచ్‌ల్లో కోహ్లి బ్యాటింగ్ సగటు 67.96 ఉండగా.. సచిన్ 58.20 సగటుతో పరుగులు రాబట్టాడు. ద్రవిడ్ సగటు 56.85గా ఉంది. భారత్‌కు విజయాలను అందించిన మ్యాచ్‌ల్లో కోహ్లి మినహా ధోనీ సగటు మాత్రమే 60కి పైగా (62.23) ఉంది.ప్రపంచ క్రికెట్ విషయానికి వస్తే.. అన్ని ఫార్మాట్లూ కలుపుకొని జట్టు గెలిచిన మ్యాచ్‌ల్లో ఎక్కువ పరుగులు చేసిన ఆటగాడు పాంటింగ్. ఆసీస్ గెలుపొందిన మ్యాచ్‌ల్లో ఈ మాజీ కెప్టెన్ 53.42 సగటు, 55 సెంచరీలతో 20,140 పరుగులు చేశాడు. సచిన్ రెండో స్థానంలో ఉండగా.. జాక్వెస్ కలిస్ (14,827), సంగక్కర (14,605), జయవర్ధనే (14,131) తర్వాతి స్థానాల్లో ఉన్నారు.

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com