Home > Editorial > స్వదేశానికి ప్రధాని

స్వదేశానికి ప్రధాని

సింగిల్‌ పాయింట్‌ అజెండాలో మోడీ
ఆచరణలోకి రాని మోడీ పథకాలు

narendra-modi-apduniaభారత ప్రధాని నరేంద్ర మోదీ పొరుగున ఉన్న మయన్మార్‌లో పర్యటన పూర్తయింది. మోదీ ఆ దేశంలో పర్యటించడం రెండోసారి కాగా, ఇది తొలి ద్వైపాక్షిక పర్యటన. ఆగ్నేయాసియా దేశాలకు ప్రధాన ద్వారంగా ఉన్న మయన్మార్.. భారత్‌కు ఎంతో కీలకమైంది. ఈశాన్య రాష్ట్రాల్లో వేర్పాటువాదులను అణచివేయలన్నా.. ప్రధాన భూభాగానికి దూరంగా ఉన్న ఆ రాష్ట్రాలను అభివృద్ధి పథంలో నిలపాలన్నా.. మయన్మార్ సాయం అవసరం. అంతేకాకుండా దక్షిణాసియా, ఆగ్నేయాసియా ప్రాంత దేశాల్లో పెరుగుతున్న చైనా ప్రాబల్యాన్ని అడ్డుకోవడానికి, ఆ దేశాలతో కలిసి ముందుకు సాగేందుకు మోదీ ప్రత్యేక శ్రద్ధ వహిస్తున్నారు.మయన్మార్‌తో మనకు 1600 కి.మీ. మేర సరిహద్దు ఉంది. ఈశాన్య రాష్ట్రాలకు వేర్పాటువాదులు మయన్మార్‌ను అడ్డాగా మార్చుకొని భారత్‌కు వ్యతిరేకంగా తమ కార్యకలాపాలను నిర్వహిస్తున్నారని నిఘా వర్గాలు చెబుతున్నాయి. గతంలో భారత్, మయన్మార్ సైన్యాలు కలిసి వేర్పాటు వాదులను తుదముట్టించాయి. భారత సైన్యం మయన్మార్ భూభాగంలోకి చొచ్చుకెళ్లి మరీ ఉగ్రవాదులను ఏరివేసింది.అభివృద్ధి పరంగా చూస్తే.. ఈశాన్య రాష్ట్రాలకు బాహ్య ప్రపంచంతో అనుసంధానం ఏర్పడటానికి, ఆగ్నేయా ఆసియా దేశాలతో రవాణా సంబంధాలను మెరుగుపర్చడానికి మయన్మార్ మనకు వంతెనలా ఉపకరిస్తుంది. అందుకే భారత్ మయన్మార్‌లో కలాదన్ అనే రోడ్డు-రివర్-కార్గో ప్రాజెక్ట్‌కు శ్రీకారం చుట్టింది. కోల్‌కతా‌ను మయన్మార్‌లోని సిట్వేతో కలపడంతోపాటు.. అక్కడి నుంచి కలాదన్ నది ద్వారా ఈశాన్య రాష్ట్రాలతో దీన్ని అనుసంధానిస్తారు. ఇది ఉభయ దేశాలకూ ప్రయోజనకరం. ఈ ప్రాజెక్ట్ వల్ల మయన్మార్ ఆర్థిక వ్యవస్థ బలోపేతం కావడంతోపాటు.. ఈశాన్య రాష్ట్రాలకు సరకు రవాణా మెరుగుపడుతుంది.దక్షిణాసియా, ఆగ్నేయాసియా దేశాలతో సంబంధాలను మెరుగుపర్చుకోవాలని భారత్ భావిస్తోంది. అందులో భాగంగా థాయ్‌లాండ్, మయన్మార్‌తో కలిసి భారత్ (ఏసియన్ ట్రైలాటర్ హైవే) త్రైపాక్షిక హైవేను నిర్మిస్తోంది. బ్రూనై, కాంబోడియా, ఇండోనేసియా, లావోస్, మలేసియా, మయన్మార్, ఫిలిప్ఫైన్స్, సింగపూర్, థాయ్‌లాండ్, వియత్నాం దేశాలతో మన సంబంధాలు మెరుగుపడటానికి ఇది ఉపకరిస్తుంది. ఏసియన్ ట్రైలాటర్ హైవే, కలాదన్ ప్రాజెక్ట్ 2020 నాటికి పూర్తయ్యే అవకాశాలు ఉన్నాయి.ఏసియన్‌గా వ్యవహరించే అసోసియేషన్ ఆఫ్ సౌత్ ఈస్ట్ ఆసియన్ నేషన్స్‌లో మయన్మార్‌తోపాటు పైన పేర్కొన్న దేశాలకు సభ్యత్వం ఉంది. ఈ దేశాలు వేగంగా అభివృద్ధి చెందుతున్నాయి. ఏసియన్ సభ్యదేశాల్లో 625 మిలియన్ల మంది ప్రజలు నివసిస్తున్నారు. వాటి జీడీపీ 2.6 ట్రిలియన్ డాలర్లు. ఆ దేశాలతో వాణిజ్య సంబంధాలను పెంచుకోవడానికి మయన్మార్ మనకు బ్రిడ్జిలా పని చేస్తుంది.బంగాళఖాత తీర ప్రాంత దేశాల మధ్య సహకారం కోసం బిమ్‌స్టెక్‌‌ను ఏర్పాటు చేశారు. భారత్‌తోపాటు బంగ్లాదేశ్, భూటాన్, మయన్మార్, నేపాల్, శ్రీలంక, థాయ్‌లాండ్ దేశాలకు సభ్యత్వం ఉన్న బిమ్‌స్టెక్‌ ప్రాంత జీడీపీ 2.5 ట్రిలియన్ డాలర్లు. ప్రపంచ జనాభాలో 21 శాతం మంది ఈ దేశాల్లోనే నివసిస్తున్నారు. సార్క్ కూటమికి ప్రత్యామ్నాయంగా ఇది మనకు ఉపయోగపడనుంది. దీని ద్వారా పాక్‌ను దక్షిణాసియాలో ఏకాకి చేయవచ్చు.మయన్మార్‌కు చైనాతోనూ సరిహద్దు ఉంది. రవాణా కోసం పాక్‌ నుంచి చైనా పాక్ ఎకనమిక్ కారిడార్‌ను నిర్మిస్తున్నట్లుగానే.. సరకు రవాణా కోసం మయన్మార్‌ను కూడా ఉపయోగించుకోవాలని డ్రాగన్ భావిస్తోంది. మయన్మార్‌లో క్యౌక్ ప్యూ డీప్ సీ పోర్ట్‌ను నిర్మిస్తోంది. దీని ద్వారా భారత ప్రాబల్యం ఉండే మలక్కా జలసంధితో సంబంధం లేకుండా.. మధ్యప్రాచ్య దేశాలతో సరకు రవాణా సాధ్యం అవుతుంది. అందుకే మయన్మార్‌లో డీప్ సీ పోర్టు కోసం 7.3 బిలియన్ డాలర్లు, ఇండస్ట్రియల్ పార్క కోసం 2.3 బిలియన్ డాలర్లను చైనా వెచ్చిస్తోంది. ఈ ప్రాజెక్టుల కారణంగా భారత్‌కు సమీపంలో ఉన్న మయన్మార్‌లో తన ప్రాబల్యాన్ని పెంచుకోవడం అనేది చైనా మరో వ్యూహం. దీన్ని అడ్డుకోవడం మనకు ఎంతో అవసరం. అందుకే ఆ దేశానికి 2 బిలియన్ డాలర్ల మేర రుణాలు ఇచ్చేందుకు భారత్ అంగీకరించింది.వాస్తవానికి ప్రధాని మోదీ మయన్మార్‌లో పర్యటించే సమయానికి ఆంగ్ సాన్ సూకీ క్లిష్ట పరిస్థితుల్లో ఉన్నారు. రోహింగ్యా మిలిటెంట్లు, మయన్మార్ సైన్యం మధ్య పోరాటం సాగుతోంది. ఈ పోరులో రోహింగ్యా ముస్లిం తెగకు చెందిన ప్రజలు ప్రాణాలు కోల్పోతున్నారు. వారిని సైన్యం హతమారుస్తోందని.. సూకీ వీటిని అడ్డుకోవడం లేదనే విమర్శలు వస్తున్నాయి. ప్రాణాలను కాపాడుకోవడం కోసం భారీ సంఖ్యలో మైనార్టీ రోహింగ్యా ముస్లింలు బంగ్లాదేశ్‌కు వలస పోతున్నారు. ఈ సమయంలో ప్రధాని మోదీ సూకీకి అండగా నిలిచారు. శాంతి నెలకొనేందుకు, సమస్య పరిష్కారానికి అందరం కలిసి ప్రయత్నించాలని సూచించారు. మోదీ పర్యటన సందర్భంగా.. ఇరుదేశాల మధ్య 11 ఒప్పందాలు కుదిరాయి.

Leave a Reply

Your email address will not be published. Required fields are marked *