Home > Sports > మిధాలీ రాజ్ కు బీఎండబ్ల్యూ కారు

మిధాలీ రాజ్ కు బీఎండబ్ల్యూ కారు

మూడో టెస్ట్ కు జడేజా దూరం
మిథాలికి బీఎండబ్ల్యూ కారును బహూకరించిన చాముండి

bmw car_apduniaభారత మహిళా క్రికెట్ జట్టు కెప్టెన్ మిథాలీ రాజ్‌.. బీఎండబ్ల్యూ కారును బహుమతిగా అందుకున్నారు. ఆంధ్ర క్రికెట్‌ అసోసియేషన్‌ మాజీ కార్యదర్శి, ఇండియన్ బ్యాడ్మింటన్ లీగ్ జట్టు ముంబై మాస్టర్స్ సహ యజమాని చాముండేశ్వరి నాథ్ బీఎండబ్ల్యూ కారును మిథాలీకి బహూకరించారు. పుల్లెల గోపీచంద్‌ బ్యాడ్మింటన్‌ అకాడమిలో మంగళవారం జరిగిన కార్యక్రమంలో చాముండి చేతుల మీదుగా మిథాలీ కారు కీని అందుకున్నారు.మహిళల ప్రపంచ కప్‌లో భారత జట్టును ముందుండి నడిపించిన కెప్టెన్ మిథాలీ రాజ్‌కు బీఎండబ్ల్యూ కారును బహూరికరించనున్నట్లు చాముండేశ్వరినాథ్ ప్రకటించిన విషయం తెలిసిందే. ఈ సందర్భంగా తెలంగాణ బ్యాడ్మింటన్ సంఘం కార్యదర్శి గోపీచంద్ మాట్లాడుతూ.. ప్రపంచ కప్‌లో భారత మహిళల జట్టు అద్భుతంగా ఆడిందని ప్రశంసించారు. జట్టును మిథాలీ రాజ్‌ చాలా బాగా నడిపించారన్నారు.మిథాలీ మాట్లాడుతూ.. తాను గోపీచంద్ అకాడమీకి రావడం ఇదే తొలిసారి అని చెప్పారు. ఎంతో మంది బ్యాడ్మింటన్ క్రీడాకారులను దేశానికి అందించిన ఘనత గోపీచంద్‌ది అని ఆమె కొనియాడారు. మహిళా క్రికెట్‌కు దేశంలో ఆదరణ బాగా పెరిగిందని చెప్పారు. చాముండేశ్వరినాథ్‌ క్రీడాకారులను ప్రోత్సహించడం అభినందనీయన్నారు. తనను ప్రోత్సహిస్తున్నవారికి ధన్యవాదాలని, తన జోరును ఇలాగే కొనసాగిస్తానని మిథాలీ చెప్పారు.

Leave a Reply

Your email address will not be published. Required fields are marked *