Home > Politics > కర్ణాటక ఎన్నికల్లో చిరంజీవి, పవన్

కర్ణాటక ఎన్నికల్లో చిరంజీవి, పవన్

సీరియస్ గా ఉండాలంటూ బాబు వార్నింగ్
ఆయుష్ శాఖ ఆసుపత్రులు తక్షణమే బలోపేతం

chiranjeevi-pawan-apduniaకర్ణాటక అసెంబ్లీ సార్వత్రిక ఎన్నికల నేపథ్యంలో అక్కడి పార్టీలు తమ అస్త్రశస్త్రాలను తీస్తున్నాయి. ఇప్పటికే భారతీయ జనతా పార్టీ ఉత్తరాది నుంచి తమ పార్టీ ముఖ్యనేతలను రప్పించి, అక్కడ ప్రచారం చేయిస్తూ ఉంది. యూపీ సీఎం యోగి ఆదిత్యనాథ్ ను బీజేపీ స్టార్ క్యాంపెయినర్ గా రంగంలోకి దించింది. ఇక మిగతా పార్టీలు కూడా ఇతర రాష్ట్రాలకు చెందిన తమ పార్టీల నేతలను, సానుభూతి పరుల చేత ఎన్నికల ప్రచారం చేయించడానికి ప్రయత్నాలు ముమ్మరం చేశాయి.ఇందులో భాగంగా..కాంగ్రెస్ పార్టీ తెలుగు రాష్ట్రాల నేతల మీద కన్నేసిందని తెలుస్తోంది. కర్ణాటకలోని తెలుగు మాట్లాడే ప్రాంతాల్లో వీరి చేత ప్రచారం చేయించాలని కాంగ్రెస్ భావిస్తోందట. ప్రత్యేకించి.. మెగాస్టార్ చిరంజీవి చేత ఎన్నికల ప్రచారం చేయించాలని కర్ణాటక కాంగ్రెస్ నేతలు భావిస్తున్నట్టుగా తెలుస్తోంది. ఏపీ బోర్డర్ లోని జిల్లాల్లో, బెంగళూరులోని తెలుగు వాళ్లు ప్రాంతాల్లో చిరంజీవి చేత ప్రచారం చేయిస్తే మేలని కాంగ్రెస్ నేతలు లెక్కేస్తున్నారు. చిరంజీవి ప్రస్తుతం కాంగ్రెస్ ఎంపీగా ఉన్న సంగతి తెలిసిందే. సినీస్టార్ గా ఆయనకు కర్ణాటకలో ఉన్న అభిమానగణాన్ని ఆకర్షించడానికి కాంగ్రెస్ ఈ వ్యూహాన్ని పన్నుతోంది.ఇక మరోవైపు రాజకీయాల్లోకి వచ్చిన జనసేన అధినేత పవన్ కల్యాణ్ పై కూడా అక్కడి రాజకీయ పార్టీలు కన్నేశాయి. పవన్ కల్యాణ్ తో ఎన్నికల ప్రచారం చేయించుకునే పనిలో ఉంది జేడీఎస్. ఈ విషయాన్ని జేడీఎస్ ముఖ్య నేత కుమారస్వామి స్వయంగా ప్రకటించారు. పవన్ కల్యాణ్ ను తమ పార్టీ తరఫున ఎన్నికల ప్రచారానికి ఆహ్వానిస్తామని కుమారస్వామి అన్నారు.పవన్ కల్యాణ్ కాంగ్రెస్, భారతీయ జనతా పార్టీలకు వ్యతిరేకి అని..అందుకే తమ పార్టీ తరఫున ప్రచారం చేస్తారని కుమారస్వామి అంటున్నారు. ఈ విధంగా మెగా బ్రదర్స్ విషయంలో కర్ణాటక రాజకీయ పార్టీలు ఆశలు పెట్టుకున్నాయి. వీరిని రప్పించి, సినీ గ్లామర్ ను ఓట్లుగా మలుచుకుని సొమ్ము చేసుకుందామనే ప్రయత్నాల్లో ఉన్నారు అక్కడి నేతలు.

Leave a Reply

Your email address will not be published. Required fields are marked *