Home > Crime > ఆంధ్రజ్యోతికి కోర్టు సమన్లు

ఆంధ్రజ్యోతికి కోర్టు సమన్లు

బూతులు రాస్తే...ఇక కేసులే
సేమ్ సీన్.. మాల్యా, అరెస్ట్ విడుదల

andhrajyothi-apduniaవైఎస్సార్ కాంగ్రెస్ పార్టీ అధినేత, ప్రతిపక్ష నేత వైఎస్ జగన్ మోహన్ రెడ్డి అనుచితమైన కథనాలను ప్రచురించి ఆయన ప్రతిష్టకు భంగం కలిగించారని.. ఆంధ్రజ్యోతి పత్రికపై వైసీపీ ఎమ్మెల్యే ఆళ్ల రామకృష్ణా రెడ్డి చేసిన ఫిర్యాదుపై నాంపల్లి కోర్టు స్పందించింది. ఆళ్ల పిటిషన్ ను విచారించిన న్యాయస్థానం.. ఈ కేసు విచారణలో భాగంగా ఆంధ్రజ్యోతి ఎండీ వేమూరి రాధాకృష్ణ, ఆ పత్రిక ఎడిటర్ శ్రీనివాస్, పబ్లిషర్ తో మరో నలుగురికి సమన్లు జారీ చేసింది. తదుపరి విచారణకు వ్యక్తిగతంగా హాజరు కావాలని వారిని న్యాయస్థానం ఆదేశించింది. ఈ ఏడాది మే పదిహేనో తేదీన జగన్ మోహన్ రెడ్డిపై ఆంధ్రజ్యోతి అనుచితమైన కథనాన్ని ప్రచురించిందని ఆళ్ల అన్నారు. ప్రతిపక్ష నేత హోదాలో వైఎస్ జగన్ మోహన్ రెడ్డి ప్రధానమంత్రి నరేంద్రమోడీతో సమావేశం అయ్యి, రాష్ట్ర సమస్యల గురించి ప్రస్తావించగా.. ఆంధ్రజ్యోతి మాత్రం ‘అమ్మ జగనా..’ అనే హెడ్డింగుతో తనకు ఇష్టమైన రీతిలో కథనాన్ని వండి వార్చిందని ఆయన వ్యాఖ్యానించారు. ఆంధ్రజ్యోతి రాసిన కథనాన్ని ఖండిస్తూ.. తాము ప్రెస్ మీట్ పెట్టి, ప్రధానికి ఇచ్చిన వినతి పత్రాన్ని మీడియాకు అందించినా.. ఆ విషయాన్ని ఆ పత్రిక ప్రచురించలేదని ఆళ్ల అన్నారు. ఆ తర్వాత కూడా అదే అంశంలో తమ పార్టీ అధినేతపై మరో అనుచిత కథనాన్ని ప్రచురించిందని ఆళ్ల పేర్కొన్నారు. అందుకే ఆ మీడియా వర్గంపై చట్టపరంగా చర్యలు తీసుకోవడానికి న్యాయస్థానాన్ని ఆశ్రయించినట్టుగా చెప్పారు. ఈ కేసు తదుపరి విచారణ నవంబర్ 14కు వాయిదా పడింది.

Leave a Reply

Your email address will not be published. Required fields are marked *