Home > Crime > విదేశాల్లో భారత్‌ దౌత్య విజయం

విదేశాల్లో భారత్‌ దౌత్య విజయం

డేరా బాబా ఆశ్రమంలో చేసేదంతా విషకన్యలే
ఇంటర్ విద్యార్థిని దారుణ హత్య

dawood-ibrahim-apdunia-దావూద్‌ ఇబ్రహీం ఆస్తుల జప్తు

మోస్ట్‌ వాంటెడ్‌ క్రిమినల్‌, అండర్‌వరల్డ్‌ డాన్‌ దావూద్‌ ఇబ్రహీంకు చెందిన బ్రిటన్‌లోని ఆస్తులను ఆ ప్రభుత్వం జప్తు చేసింది. దావూద్‌కు చెందిన సుమారు 6.7 బిలియన్ డాలర్ల విలువైన నివాస భవనాలతోపాటు ఒక హోటల్‌‌ను జప్తు చేసినట్లు యూకే ప్రభుత్వం పేర్కొంది. విదేశాల్లో భారత్‌ దౌత్య విజయం సాధించింది. 2015 నవంబరులో ఇంగ్లాండులో పర్యటించిన ప్రధాని నరేంద్ర మోదీ దావూద్ ఆస్తుల వివరాలను ఆ దేశ ప్రధాని కెమరూన్‌కు అందజేశారు. భారత ఎన్‌ఫోర్స్‌మెంట్‌ డైరెక్టరేట్‌ అధికారులు మిడ్‌ల్యాండ్స్‌ వెళ్లి దావూద్‌ ఆస్తులను గుర్తించారు. యూకే కోశాధికార విభాగానికి చెందిన ‘కన్సాలిడేటెడ్‌ లిస్ట్‌ ఆఫ్‌ ఫైనాన్షియల్‌ సాంక్షన్స్‌ టార్గెట్స్‌ ఇన్‌ యూకే’లోనూ దావూద్‌ పేరు ఉంది. ఇందులో దావూద్‌ పేర్కొన్న మూడు చిరునామాలు పాకిస్థాన్‌లోని కరాచీలో ఉన్నాయి.1993 ముంబయి వరుస పేలుళ్ల ఘటన సూత్రధారి టైగర్ మెమన్ దావూద్‌ ముఖ్య అనుచరుడు. ప్రస్తుతం దావూద్ అజ్ఞాతంలో ఉన్న విషయం తెలిసిందే. పేలుళ్ల అనంతరం దేశం విడిచి పారిపోయిన దావూద్‌ కరాచీలోని క్లిఫ్టన్ ప్రాంతంలో ఉన్నట్లు ఇంటెలిజెన్స్ వర్గాలు సమాచారం. అయితే పాక్‌ మాత్రం ఈ ఆరోపణలను కొట్టిపారేస్తోంది. రికార్డుల ప్రకారం.. దావూద్‌ పుట్టింది మహారాష్ట్రలోని రత్నగిరి ప్రాంతంలో. ఈ మాఫియాడాన్‌కు మొత్తం 21 మారుపేర్లు ఉన్నాయి.1993 ముంబై వరస పేలుళ్లు తర్వాత ఇతను మనదేశాన్ని వదిలిపెట్టి పాకిస్తాన్ పారిపోయాడు. అప్పటినుండి డి కంపెనీకి పాక్ కేంద్రమైంది. అల్ ఖైదా, లష్కరే తొయిబా లాంటి మత ఛాందస సంస్థలతో దావూద్ బంధం అక్కడ నుంచే ప్రారంభమైంది. ఒసామా బిన్ లాడెన్‌తో దావూద్‌కు సాన్నిహిత్యం ఉందని అమెరికా బయటపెట్టింది. అఫ్ఘానిస్థాన్ నుంచి అల్‌ఖైదా సభ్యులు పారిపోవడానికి దావూద్ దారి చూపించాడు.

Leave a Reply

Your email address will not be published. Required fields are marked *