Home > Crime > మాఫియా డాన్‌కు సొంత కొడుకు షాక్

మాఫియా డాన్‌కు సొంత కొడుకు షాక్

పరారీలో వనితారెడ్డి....
విజయ్ మాల్యా కోసం జైలు సిద్ధం

dawood-ibrahim-apduniaతుపాకులు, బాంబులనే బలంగా నమ్ముకొని ముంబైలో మారణహోమం సృష్టించిన మాఫియా డాన్‌కు సొంత కొడుకు షాకిచ్చాడు. కుమారుడి కారణంగా మాఫియా డాన్ దావూద్ ఇబ్రహీం డిప్రెషన్లోకి వెళ్లినట్టు పోలీసులు చెబుతున్నారు. తన ఏకైక కుమారుడైన మొయన్ నవాజ్ అంటే దావూద్‌కు ఎంతో ఇష్టం. అండర్ వరల్డ్‌ డాన్‌గా అతడు బాధ్యతలు చేపట్టాలని దావూద్ భావించగా.. 31 ఏళ్ల నవాజ్ మాత్రం మౌలానాగా మారిపోయాడు. చిన్నారులకు మత సంబంధ అంశాలను బోధిస్తున్నాడు. తండ్రి అక్రమ కార్యకలాపాలు నచ్చని మొయిన్‌ కుటుంబానికి దూరంగా ఉంటున్నాడు.దావూద్ చిన్న తమ్ముడు ఇక్బాల్ ఇబ్రహీం కస్కర్‌ను విచారించిన సందర్భంగా ఈ విషయాలు వెలుగులోకి వచ్చాయని థానే యాంటీ ఎక్స్‌టోర్షన్ సెల్ (ఏఈసీ) హెడ్ ప్రదీప్ శర్మ తెలిపారు. గత సెప్టెంబర్లో ఏఈసీ బృందాలు ఇక్బాల్‌ను అదుపులోకి తీసుకున్నాయి. దావూద్ కొడుకు గురించి తీవ్రంగా మదన పడుతున్నాడని ఇక్బాల్ పోలీసులకు చెప్పాడుదావూద్ మరో సోదరుడు అనీస్ ఇబ్రహీం కస్కర్ వయోభారంతో బాధపడుతున్నాడు, అతడి ఆరోగ్యం బాగోలేదు. ఇతర సోదరులు చనిపోయారు. దీంతో ఆత్మీయులు ఎవరూ లేకపోవడంతో తన నేర సామ్రాజ్యాన్ని భవిష్యత్తులో ఎవరు చూస్తారనే విషయమై దావూద్‌ ఆందోళన చెందుతున్నాడని ఇక్బాల్ చెప్పాడు.దావూద్ కుమారుడు కుటుంబానికి, కుటుంబ వ్యాపారాలకు కొన్నేళ్లుగా దూరంగా ఉంటున్నాడు. తండ్రితో మాట్లాడుతున్నా లేదా అనే విషయంలో మాత్రం స్పష్టత లేదని శర్మ తెలిపారు. కరాచీలో దావూద్ కుటుంబానికి పెద్ద బంగ్లా ఉన్నప్పటికీ.. మొయిన్ మాత్రం తన భార్య సానియా, ముగ్గురు పిల్లలతో కలిసి ఓ మసీదు పక్కన చిన్న ఇంట్లో ఉంటున్నాడు. ఆ ఇంటిని మసీద్ మేనేజ్‌మెంట్ మొయిన్‌కు సమకూర్చింది. మొయన్ చిన్నారులకు ఖురాన్ బోధిస్తూ.. ప్రార్థనలతో జీవితం గడుపుతున్నాడని అతడి బాబాయి తెలిపాడుదావూద్‌కు ఇద్దరు కూతుళ్లు, ఓ కుమారుడు కాగా.. 2006 పెద్ద కుమార్తె మహ్రుఖాను పాకిస్థాన్ మాజీ క్రికెటర్ జావెద్ మియాందాద్ కుమారుడైన జునైద్‌కు ఇచ్చి పెళ్లి చేశారు. రెండో కుమార్తె మహ్రీన్ 2011లో అమెరికాకు చెందిన వ్యాపారవేత్త కుమారుణ్ని పెళ్లాడింది.

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com