Home > Bhakti > రికార్డ్ స్థాయిలో శబరిమల ఆదాయం

రికార్డ్ స్థాయిలో శబరిమల ఆదాయం

ప్రయోగాత్మక సమయ నిర్దేశిత సర్వదర్శనం ప్రారంభం
అన్నమో... వెంకన్న

shabaraimala-apduniaహరిహరసుతుడు అయ్యప్పస్వామి కొలువుదీరిన పవిత్ర పుణ్యక్షేత్రం శబరిమల ఆలయం హుండీ ఆదాయం ఈ ఏడాది గణనీయంగా పెరిగింది. నవంబరు 16 న స్వామివారి ఆలయం తెరచిన 25 రోజుల్లోనే ఆలయానికి రూ. 101 కోట్ల ఆదాయం సమకూరినట్లు ట్రావెన్ కోర్ దేవస్థానం బోర్డు ప్రకటించింది. గతేడాది పోలిస్తే రూ. 15 కోట్లు అదనంగా వచ్చినట్లు తెలియజేశారు. శబరిమల ఆలయ చరిత్రలో ఇది ఆల్‌టైమ్ రికార్డుగా అధికారులు పేర్కొన్నారు. మండల పూజలు పూర్తయ్యే వరకు ఆలయ ఆదాయం మరింత పెరిగే అవకాశం ఉందని అంటున్నారు. గతేడాది ఇదే సమయానికి రూ.85.96 కోట్ల ఆదాయం వచ్చింది. సోమవారం నాటికి రూ.101,08,80,925 లభించింది. వీటిలో ప్రసాదాలు అమ్మకం ద్వారా రూ.52,6302745 కోట్లు, హుండీ ద్వారా రూ.35,89,26,885 కోట్ల ఆదాయం లభించినట్లు అధికారులు తెలిపారు.స్వామివారి దర్శనానికి మూడు నుంచి ఐదు గంటల సమయం పడుతోంది. మరోవైపు శబరిగిరుల్లో వర్షం కురవడంతో భక్తులు మరింత ఇబ్బందులు పడుతున్నారు. పిల్లలు, వృద్ధులు ముఖ్యంగా మహిళలు క్యూలైన్లో నిలబడలేక అవస్థలు పడుతున్నారు. వీరికి భద్రతా సిబ్బంది వీలైనంత వరకు సహాయం అందిస్తూ ఎలాంటి తోపులాట జరక్కుండా అప్రమత్తంగా ఉన్నారు. మండల పూజకు తెరచుకున్న అయ్యప్పస్వామి ఆలయం మకరు విలక్కు (మకర జ్యోతి) వరకు తెరుచుకుని ఉంటుంది. జనవరి 22 న పడిపూజ నిర్వహించి ఆలయాన్ని మూసేస్తారు.

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com