Home > World News > కిమ్ తో చర్చలా…వృధా

కిమ్ తో చర్చలా…వృధా

వెలుగులోకి జయలలిత మృతి
చెన్నైలో హై అలెర్ట్

kim-jong-apduniaఉత్తరకొరియాతో చర్చలకు సిద్ధంగా ఉన్నామన్న విషయంపై అమెరికా అధ్యక్షుడు డొనాల్డ్‌ ట్రంప్‌ కీలక వ్యాఖ్యలు చేశారు. ఉత్తర కొరియాతో చర్చల పేరుతో సమయం వృథా చేసుకోవద్దని విదేశాంగ కార్యదర్శి రెక్స్‌ టిల్లర్సన్‌కు సూచించారు. ‘లిటిల్‌ రాకెట్‌ మెన్‌తో చర్చల పేరుతో సమయం వృథా చేస్తున్నావని మన అద్భుతమైన సెక్రటరీ ఆఫ్‌ స్టేట్‌ రిక్స్‌ టిల్లర్సన్‌తో ఇప్పటికే చెప్పాను. మనం ఏం చేయాలో అదే చేద్దాం.. నీ శక్తిని దాచుకో రెక్స్‌’ అని ట్రంప్‌ ట్విటర్‌లో పేర్కొన్నారు. చైనాలో పర్యటిస్తోన్న రెక్స్ ఆదివారం మాట్లాడుతూ ఉత్తర కొరియాతో చర్చల విషయంలో కొంత కదలిక వచ్చిందని ప్రకటించారు. ఇందులో భాగంగా చర్చలకు అవసరమైన కొన్ని దౌత్యమార్గాలను ఆ దేశం కోసం తెరిచినట్లు పేర్కొన్నారు. చర్చల కోసం మేము ప్రయత్నిస్తున్నాం.. అందుబాటులో ఉండండి అంటూ టిల్లెర్సన్‌ మీడియాకు వెల్లడించారు.చైనా ద్వారా అమెరికా చర్చల కోసం ప్రయత్నిస్తున్నట్లు సమాచారం. కానీ అణు కార్యక్రమం నిలిపివేయకుండా ఉత్తర కొరియాతో చర్చలు జరిపేందుకు ట్రంప్‌ పూర్తి వ్యతిరేకతతో ఉన్నారు. ట్విటర్‌లో ఆయన వ్యాఖ్యలే ఇందుకు నిదర్శనం. న్యూజెర్సీలోని లిబర్టీ నేషనల్‌లో ఆదివారం జరిగిన ప్రెసిడెంట్స్ కప్ గోల్ఫ్ టోర్నమెంట్‌లో డొనాల్డ్ ట్రంప్ పాల్గొన్నారు. ఈ సందర్భంగా ఉత్తర కొరియా నియంతను ఉద్దేశించి మాట్లాడుతూ… క్లింటన్, బుష్, ఒబామా విఫలమవడంతో గత 25 ఏళ్లుగా రాకెట్ మెన్‌కు అనుకూలంగా మారింది. నేను మాత్రం ఈ విషయంలో విఫలమయ్యేది లేదని ట్రంప్ స్పష్టం చేశారు.మరోవైపు అమెరికాను భూమి మీద లేకుండా చేస్తానని ఉత్తరకొరియా అధ్యక్షుడు కిమ్ జోంగ్ ఉన్ ప్రతిజ్ఞ చేశారు. రెండు లక్షల మంది ఉత్తర కొరియా పౌరులు స్వచ్ఛందంగా సైన్యంలో చేరిన నేపథ్యంలో ‘యాంటీ అమెరికా వార్’ పేరిట కిమ్ జోంగ్ ఒక సమావేశాన్ని నిర్వహించారు. ఈ సందర్భంగా వారినుద్దేశించి ప్రసంగించిన ఆయన… అమెరికాను భస్మీపటలం చేస్తానని అన్నారు. ఆ దేశాన్ని అసలు ఈ భూమి మీద లేకుండా చేస్తానని, బూడిద చేసేస్తానని కిమ్ హెచ్చరించారు.

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com