Home > Crime > బ్లాక్ మనీ ఎంతో వచ్చిందో తెలియదు

బ్లాక్ మనీ ఎంతో వచ్చిందో తెలియదు

గౌరీ లంకేశ్ దారుణ హత్య
గంజాయి దందాలో హిజ్రాలు

black money-apduniaరూ.500, రూ.1,000 పాత నోట్ల రద్దు వల్ల దేశంలో ఎంతమేరకు నల్లధనం వెలికి వచ్చిందో చెప్పడానికి తమ వద్ద ఎటువంటి సమాచారం లేదని స్పష్టంచేసింది రిజర్వ్ బ్యాంక్ ఆఫ్ ఇండియా. గతేడాది నవంబర్ 8వ తేదీన తాము తీసుకువచ్చిన ప్రతిష్టాత్మకమైన ఈ పాత నోట్ల రద్దు పథకం వల్ల భారీ మొత్తంలో నల్లధనం బయటికొచ్చిందని ఓవైపు కేంద్ర ప్రభుత్వం చెప్పుకుంటుండగా అందుకు భిన్నంగా తాజాగా ఆర్బీఐ ఇచ్చిన ఈ సమాధానం అందరినీ ఔరా అని ముక్కునవేలేసుకునేలా చేసింది.నోట్ల రద్దు అనంతరం రద్దు అయిన పాత నోట్లలో 99% నోట్లు తిరిగి ఆర్బీఐకి చేరుకున్నాయని ఇటీవల ఆర్బీఐ గవర్నర్ చేసిన ప్రకటనతో ఇప్పటికే జనం అసంతృప్తిగా వున్నారు. ఏ ప్రయోజనం లేనప్పుడు సాధారణ ప్రజానీకాన్ని ఇబ్బందులపాలు చేసేవిధంగా ఎందుకు నోట్ల రద్దు చేపట్టినట్టు అని సోషల్ మీడియాలో భారీ సంఖ్యలో నెటిజెన్స్ కేంద్రంపై ఆగ్రహం వ్యక్తంచేశారు. ఇదిలావుండగానే తాజాగా పార్లమెంటరీ స్టాండింగ్ కమిటీకి ఆర్బీఐ ఇచ్చిన ఈ సమాధానం నోట్ల రద్దుపై మరిన్ని సందేహాలకి తావిస్తోంది.నోట్ల రద్దు తర్వాత తిరిగి బ్యాంకులకి చేరిన నోట్లని వెరిఫై చేయడం జరుగుతోంది. భారీ మొత్తంలో నోట్లు వెనక్కి రావడంతో వెరిఫికేషన్‌కి చాలా సమయం పడుతోంది. ఆర్బీఐ కార్యాలయాన్ని రెండు షిఫ్టుల్లో పనిచేస్తున్నాయని పార్లమెంటరీ స్టాండింగ్ కమిటీకి ఇచ్చిన ప్రత్యుత్తరంలో ఆర్బీఐ పేర్కొంది. నోట్ల రద్దు వల్ల ఎంత మొత్తంలో నల్లధనం వెలుగుచూసింది అని పార్లమెంటరీ స్టాండింగ్ కమిటీ అడిగిన ప్రశ్నకు జవాబుగా ఆర్బీఐ ఈ సమాధానం ఇచ్చింది.

Leave a Reply

Your email address will not be published. Required fields are marked *