Home > Politics > ఏపీలో ముందస్తు ఎన్నికల వ్యూహం

ఏపీలో ముందస్తు ఎన్నికల వ్యూహం

స్విట్జర్లాండ్ లో టీఆర్ ఎస్ పార్టీ శాఖ ఆవిర్భావం
ఇరవై నెలల్లో కాళేశ్వరంను పూర్తి

yanamala-ramakrishnudu-apduniaదేశవ్యాప్తంగా ఒకేసారి ఎన్నికలు నిర్వహించడం వల్ల అనేక రకాలుగా ప్రయోజనం చేకూరుతుందని మోదీ పదే పదే చెబుతున్నారు. జమిలీ ఎన్నికలే సరైనవని ప్రధాని మోదీ తరచుగా తన మనసులోని మాట బయట పెడుతున్నారు. ప్రధాని వ్యాఖ్యలను బట్టి కేంద్రం ముందస్తు ఎన్నికలకు సన్నద్ధం అవుతున్న సంకేతాలు కనిపిస్తున్నాయి. ఏపీ ఆర్థిక మంత్రి యనమల రామకృష్ణుడు కూడా ఇదే అభిప్రాయాన్ని వ్యక్తం చేశారు. డిసెంబర్లోనే కేంద్రం ఎన్నికలకు వెళ్లే అవకాశం ఉందని, కేంద్రంలో వాతావరణం అలాగే ఉందని ఆయన తెలిపారు. ఎన్డీయే భాగస్వామ్య పక్షంగా మనం కూడా ఎన్నికలకు వెళ్లాల్సి ఉంటుందని మంత్రి వ్యాఖ్యానించారు.మంత్రి వ్యాఖ్యలను చంద్రబాబు కూడా ఖండించకపోవడం గమనార్హం. కేబినెట్ సమావేశం ముగిశాక మీడియాతో మాట్లాడిన సందర్భంలో సీఎం సైతం ఎన్నికల ప్రస్తావన తీసుకురావడం ఆసక్తి రేపుతోంది. ‘అన్ని ఎన్నికలు’ ఒకేసారి నిర్వహించేలా ప్రణాళిక సిద్ధం చేస్తున్నామని ఆయన తెలిపారు.రాష్ట్రంలోని 40-50 నియోజకవర్గాల్లో పార్టీ బలహీనంగా ఉంది. 120కిపైగా నియోజకవర్గాల్లో పార్టీ పట్ల సానుకూలత ఉంది. నియోజకవర్గాల ఇన్‌ఛార్జ్‌లు ఉన్న స్థానాల్లో పార్టీ బలహీనంగా ఉందని చంద్రబాబు వ్యాఖ్యానించారు. దీన్ని బట్టి ఏపీ సర్కారు కూడా ముందస్తు ఎన్నికలకు సన్నద్ధం అవుతోందని రాజకీయ విశ్లేషకులు భావిస్తున్నారు.

Leave a Reply

Your email address will not be published. Required fields are marked *