Home > Politics > ఏపీలో పార్టీల ఎన్నికల హడావిడి

ఏపీలో పార్టీల ఎన్నికల హడావిడి

ఎంపీ స్కూళ్లలో జైహింద్ కల్చర్
చిరంజీవి కోసం పార్టీల గాలం

ysrcp-telugudesam-apduniaఎన్నికలకు ఇంకా కొంత వ్యవధి ఉన్నప్పటికీ అటు అధికార తెలుగుదేశం, ఇటు ప్రతిపక్ష వైఎస్సార్ కాంగ్రెస్ పార్టీలు ఏపీలో హడావుడి చేసేస్తున్నాయి. ముందస్తు ఎన్నికలు వస్తాయి.. అని ఈ ఇరు పార్టీల అధినేతలూ తమ శ్రేణులకు దిశానిర్దేశం చేయడం గమనార్హం. 2018లోనే ఎన్నికలు జరుగుతాయని చాన్నాళ్లుగా జగన్ వ్యాఖ్యానిస్తూ వస్తున్నారు. తాజాగా చంద్రబాబు కూడా అదే మాటే చెప్పారు. వచ్చే ఏడాది చరమాంకంలో ఎన్నికలకు రెడీగా ఉండాలన్నట్టుగా ఆయన పార్టీ శ్రేణులతో జరిపిన మీటింగ్ లో ఇటీవల వ్యాఖ్యానించారు.దేశంలోని మిగతా పార్టీలన్నింటి కన్నా… తెలుగుదేశం, వైఎస్సార్ కాంగ్రెస్ పార్టీలు ముందే ఎన్నికల మాట మాట్లాడుతున్నాయి. ఎన్నికలు వచ్చేస్తున్నాయ్.. వచ్చేస్తున్నాయ్.. అన్నట్టుగా వ్యవహరిస్తున్నాయి. ఇప్పటికే వైఎస్సార్ కాంగ్రెస్ పార్టీ ‘వైఎస్ఆర్ కుటుంబం’ కార్యక్రమాన్ని చేపట్టింది. ఈ కార్యక్రమంలో భాగంగా వైఎస్సార్ కాంగ్రెస్ పార్టీ సభ్యత్వాల నమోదుకు, ఇంటికి ప్రచారానికి ప్రాధాన్యతను ఇస్తోంది. ఈ పార్టీ నియోజకవర్గ ఇన్ చార్జిలు ప్రతి ఇంటికీ తిరుగుతూ.. వైకాపా స్టిక్కర్లను అతికించి వస్తున్నారు. తద్వారా ఆయా కుటుంబాలు తమ ‘వైఎస్ఆర్ కుటుంబం’లో భాగమైనట్టే అని చెబుతున్నారు.అలాగే మిస్డ్ కాల్ తో సభ్యత్వ నమోదు కార్యక్రమానికి, వైఎస్సార్‌కుటుంబం డాట్ కామ్ తో అనేక మందికి సభ్యత్వాలను ఇచ్చే కార్యక్రమాన్ని కూడా వైసీపీ ప్రారంభించింది. ఇక ఈ విషయంలో తెలుగుదేశం పార్టీ కూడా వెనుబడి లేదు. ‘ఇంటింటికీ తెలుగుదేశం’ పేరిట చంద్రబాబు ఒక కార్యక్రమాన్ని ప్రారంభించారు. ఏకంగా కోటి ఇళ్ల సందర్శనే లక్ష్యం.. అని కూడా బాబు ప్రకటించేశారు.ఇలా ఇరు పార్టీలూ పోటాపోటీగా ఇంటింటి బాట పట్టాయి. ప్రతి ఇంటినీ పలకరించి ఓటు అడిగే పని చేస్తున్నాయి. మరి ఎన్నికలకు ఇంకా చాలా సమయం ఉన్నా.. వచ్చే ఎన్నికల్లో గెలుపును ప్రతిష్టాత్మకంగా తీసుకుని ఇరు పార్టీలూ ఇలా దూసుకుపోతున్నాయి.

Leave a Reply

Your email address will not be published. Required fields are marked *