Home > Bhakti > షిర్డీ ఆలయంలో ఎనర్జీ పెడల్స్

షిర్డీ ఆలయంలో ఎనర్జీ పెడల్స్

జూన్ 29 నుంచి ఆగస్టు 7 వరకు అమర్ నాథ్ యాత్ర
హనుమంత వాహనంపై శ్రీ గోవిందరాజస్వామి వైభవం

shirdi-sai-apduniaసాయిబాబా మహిమల్ని ప్రపంచానికి చాటిచెబుతున్న షిర్డీ ట్రస్ట్ ఒక వినూత్న ప్రయత్నానికి తెరలేపింది. షిర్డీ ఆలయానికి వచ్చే భక్తుల అడుగుల నుంచి విద్యుత్‌ను ఉత్పత్తి చేయాలని ట్రస్ట్ నిర్ణయించింది. వచ్చే ఏడాది నిర్వహించనున్న ‘శ్రీ షిర్డీ సాయిబాబా మహాశతాబ్ది మహోత్సవం’లో భాగంగా ఇప్పటికే అనేక కార్యక్రమాలను షిర్డీ ట్రస్ట్ ప్రకటించింది. దీనిలో భాగంగా భక్తుల అడుగులతో విద్యుత్‌ను ఉత్పత్తి చేసే వ్యవస్థను కూడా ఆలయంలో అమర్చనున్నట్లు శ్రీ సాయిబాబా సంస్థాన్ ట్రస్ట్ చైర్మన్ సురేశ్ హవారే వెల్లడించారు.‘ఆలయంలో భక్తులు నడిచే చోట ఎనర్జీ ఫెడల్స్‌ను ఏర్పాటు చేస్తాం. వీటిపై భక్తులు నడిచినప్పుడు విద్యుత్ ఉత్పత్తి అవుతుంది. దీన్ని సేకరించి ఆలయానికి వినియోగిస్తాం’ అని సురేశ్ తెలిపారు. ‘ఆలయానికి రోజూ సగటున 50 వేల మంది భక్తులు వస్తారు. వారు పెడల్స్‌ను తొక్కి వెళ్తున్న ప్రతిసారీ విద్యుత్ ఉత్పత్తి జరుగుతుంది. ఈ విద్యుత్ ఆలయ పరిసరాల్లో ఫ్యాన్లు, లైట్లకు సరిపోతుంది’ అని హవారే చెప్పారు.కాగా, ఈ ఆలయ ట్రస్టు ఇప్పటికే అనేక సంక్షేమ కార్యక్రమాలను ప్రకటించింది. గిరిజన, పేద విద్యార్థుల కోసం ఐఏఎస్ కోచింగ్ సెంటర్‌ను ప్రారంభించనున్నారు. కేన్సర్ ఆస్పత్రిని కూడా నెలకొల్పనున్నారు. అలాగే వ్యర్థాలతో విద్యుదుత్పత్తి, రోజూ రక్తదాన శిబిరాల ఏర్పాటు తదితర కార్యక్రమాలకు షిర్డీ ట్రస్ట్ శ్రీకారం చుట్టింది. ఈ కార్యక్రమాలన్నిటీ ‘శ్రీ షిర్డీ సాయిబాబా మహాశతాబ్ది మహోత్సవం’లో భాగంగానే చేపట్టనున్నారు. ఈ మహోత్సవాన్ని వచ్చే ఏడాది అక్టోబర్ 1 నుంచి 18 వరకు నిర్వహిస్తారు.

Leave a Reply

Your email address will not be published. Required fields are marked *