Home > Movies > హిందీ లవకుశకు ఫుల్ డిమాండ్

హిందీ లవకుశకు ఫుల్ డిమాండ్

సావిత్రి మూవీలో శాలినీ పాండే
ఫుట్ బాల్ లీగ్ లో సన్నీ, రానా

jai-lava-kusa-apduniaయంగ్ టైగర్ ఎన్టీఆర్ నటించిన అప్‌కమింగ్ మూవీ జై లవ కుశకి తెలుగు రాష్ట్రాల్లోనే కాకుండా హిందీలోనూ మంచి డిమాండ్ ఏర్పడింది. దక్షిణాది భాషలకి చెందిన అనేక చిత్రాలని పలు హిందీ ఛానెళ్లు హిందీ డబ్బింగ్ రైట్స్ కొనుగోలు చేసి టీవీలో ప్రసారం చేస్తున్న సంగతి తెలిసిందే. టాలీవుడ్ నుంచి ఎన్టీఆర్, అల్లు అర్జున్, రామ్‌చరణ్ వంటి యంగ్ యాక్టర్స్ సినిమాలకు హిందీలో మంచి క్రేజ్ వుంది. అందుకే వీళ్ల సినిమాలపై ఎప్పటికప్పుడు ఓ కన్నేసిపెడుతున్న హిందీ ట్రేడ్ వర్గాలు తాజాగా జై లవ కుశ సినిమా హిందీ డబ్బింగ్ రైట్స్‌ని ఓ నేషనల్ ఎంటర్‌టైన్‌మెట్ టీవీ ఛానెల్‌కి దక్కేలా చేసినట్టు తెలుస్తోంది.జై లవ కుశ సినిమాకున్న పోటీ నేపథ్యంలో రూ.11 కోట్లు వెచ్చించి మరీ హిందీ డబ్బింగ్ రైట్స్ సొంతం చేసుకుందట ఆ ఛానెల్. జై లవ కుశ చిత్ర నిర్మాత కళ్యాణ్ రామ్‌కి బిజినెస్ పరంగా ఇది కలిసొచ్చే అంశం. బాబీ డైరెక్ట్ చేసిన ఈ సినిమాలో ఎన్టీఆర్ మూడు పాత్రల్లో నటించగా అతడి సరసన రాశి ఖన్నా, నివేదా థామస్ ఇతర ప్రధాన పాత్రలు పోషించారు. బాలీవుడ్ నటుడు రోనిత్ రాయ్ ఈ సినిమాలో విలన్ పాత్ర పోషించాడు.

Leave a Reply

Your email address will not be published. Required fields are marked *