Home > Movies > చెన్నైలో మహేష్ కు ఫుల్ ఫాలోయింగ్ …

చెన్నైలో మహేష్ కు ఫుల్ ఫాలోయింగ్ …

లేడీ గెటప్ లో విజయ్ సేతుపతి
ఎన్టీఆర్ "జై లవ కుశ" చిత్రానికి U / A

mahesh-babu-apduniaసూపర్‌స్టార్ మహేష్‌బాబు, సెన్సేషనల్ డైరెక్టర్ ఎ.ఆర్.మురుగదాస్ కాంబినేషన్‌లో వస్తున్న ‘స్పైడర్’ సినిమాపై తెలుగు రాష్ట్రాల ప్రేక్షకుల్లో భారీ అంచనాలు ఉన్నాయి. ఇప్పటికే విడుదలైన టీజర్, ఆడియోకి మహేష్ అభిమానులు, సినీ ప్రేమికుల నుంచి మంచి స్పందన వస్తోంది. అయితే తెలుగు రాష్ట్రాల్లోనే కాక తమిళనాడులోనూ ‘స్పైడర్’ సినిమాపై భారీ అంచనాలు ఉన్నాయన్న విషయం ఇటీవల జరిగిన ఆడియో ఫంక్షన్ ద్వారా తెలిసింది. మూడు రోజుల క్రితం చెన్నైలో ‘స్పైడర్’ తమిళ ఆడియోను లాంచ్ చేశారు. ఈ వేడుకకు మహేష్‌బాబు హాజరయ్యారు. అయితే ఈ వేడుకకు తమిళ ప్రేక్షకుల నుంచి వచ్చిన స్పందన చూసి చిత్ర యూనిట్‌కు మతిపోయిందట.మహేష్‌బాబు తన సినిమా ప్రచారం నిమిత్తం చెన్నై రావడం ఇదే తొలిసారి. ఇప్పటి వరకు మహేష్ సినిమాలేవి తమిళంలో పెద్దగా ఆడలేదు. దీంతో ప్రేక్షకుల పెద్దగా హాజరుకారేమోనని ఆడియో విడుదల వేడుక నిర్వాహకులు అనుకున్నారట. కానీ లెక్కకు మించి వచ్చిన ఆడియన్స్‌ను చూసి ‘స్పైడర్’ యూనిట్ ఆశ్చర్యపోయిందట. ‘నాకు బాగా గర్తు. 1986లో ‘సింహాసనం’ 100 రోజుల వేడుకకు కృష్ణ చెన్నై వచ్చారు. ఆయనకు తమిళ ప్రేక్షకులు బ్రహ్మరథం పట్టారు. ఆ సమయంలో ట్రాఫిక్‌ను కంట్రోల్ చేయడానికి పోలీసులు రంగంలోకి దిగాల్సి వచ్చింది’ అని ఇండస్ట్రీకి చెందిన ఒకరు చెప్పుకొచ్చారు.ఆసక్తికర విషయం ఏమిటంటే మహేష్ బాబు తండ్రి సూపర్ స్టార్ కృష్ణ తొలిసారి దర్శకత్వం వహించిన సినిమా ‘సింహాసనం’. ఈ సినిమా తమిళంలోనూ సూపర్ హిట్ అయ్యింది. ఇప్పుడు మహేష్ తొలిసారి ‘స్పైడర్’ ద్వారా నేరుగా తమిళ చిత్రం చేస్తున్నారు. ఇది కూడా బ్లాక్ బస్టర్ అవుతుందని అభిమానులు అంచనా వేస్తున్నారు. ‘ఇటీవల చాలా మంది తమిళ స్టార్లు వారి వేడుకలు నిర్వహించారు. కానీ వారెవరికి ఇంత రెస్పాన్స్ రాలేదు’ అని ‘స్పైడర్’ తమిళ ఆడియో వేడుకలో ఓ నిర్మాత అన్నారంటే అక్కడ మహేష్‌కి ఫాలోయింగ్ అదిరిపోయిందనే విషయం అర్థమవుతోంది.

Leave a Reply

Your email address will not be published. Required fields are marked *