Home > General > కోడి పందాల్లో ఇండియా పాకిస్తాన్

కోడి పందాల్లో ఇండియా పాకిస్తాన్

ఆధార్‌కు రెండంచెల భద్రత
బిట్‌కాయిన్‌కి చ‌ట్ట‌బ‌ద్ధ‌త లేదు.. స్ప‌ష్టం చేసిన ఆర్థిక‌మంత్రి

cock-fight-apduniaఇండియా వర్సెస్ పాకిస్థాన్ అంటే.. ఇదేదో క్రికెట్ మ్యాచ్ కాదు కాని అంతకు మించి రంజుగా సాగేట్టు సరికొత్త గోదావరి వాసులు కోడి పందెం బరిలను రెడీ చేస్తున్నారు. అవును ఈ ఏడాది కోడి పందేలకు పాకిస్థాన్ నుండి కోళ్లను రప్పించి మరీ వాటికి కత్తి కట్టేందుకు రెడీ అయ్యారు. సంక్రాంతి అంటే కోడి పందేలు, కోడి పందాలు అంటేనే సంక్రాంతి అలా ఉంటుంది ఆంధ్రాలో కొన్ని ప్రదేశాలు. ముఖ్యంగా గోదావరి వాసులు ఇందులో ఒక అడుగు ముందే ఉంటారు. కోడి పందేలు లేకుండా పండగేంటండీ బాబు.. అంటుంటారు తూర్పు, పశ్చిమ గోదావరి వాసులు.
సంక్రాంతి అంటే బోగి మంటలు, కొత్త బట్టలు , పిండి వంటలే కాదు.. పండుగలో అసలు మజా ఉండాలంటే కోడి పందాలు జరగాల్సిందే అంటూ కోర్టు మెట్లు ఎక్కైనా పందెం బరిలోకి దిగుతున్నారు ఇక్కడ జనాలు. కోర్టులు, ప్రభుత్వం, పోలీసులు ఎంత కఠినంగా వ్యవహరించినా పందెం బరి నుండి వెనక్కి తగ్గే పరిస్థితే ఉండదు. పందెంలోకి దిగాక వేలు, లక్షలు పోతున్నాయని ఆలోచించరు పందెంలో గెలిచామా లేదా అన్నదే వీళ్ల కాన్సెప్ట్.లక్షల్లో బెట్టింగులు కాస్తారు ఇందుకోసం విదేశాల్లో ఉన్న తెలుగు వారు సైతం కోళ్ల పందేలు ఆడడానికి పండుగ సమయానికి స్వదేశం చేరుకుంటారంటే వాటి పట్ల ఉన్న మోజు అలాంటిది. అయితే ఈసారి గోదావరి జిల్లాల్లో జరిగే కోడి పందేలకు పాకిస్థాన్ బ్రీడ్ కోళ్లు రంగంలోకి దిగటం స్పెషల్ అట్రాక్షన్ అంటున్నారు అక్కడి వాసులు.కాకి, డేగ, పచ్చ డేగ, నెమలి, కాకి డేగ, ఆబ్రాస్, రసంగి, ఎర్ర నెమలి, పండు డేగ, కొక్కురాయి, పర్ల, పింగల, మైల… ఇవన్నీ పందెం బరిలో నిలిచే కోళ్ల జాతులు. అయితే ఇప్పుడూ వీటితోనే పందేలు నిర్వహిస్తే కిక్ ఏముంటుంది అనుకున్నారో ఏమో కాని పాకిస్థాన్ నుండి కొత్త రకం కోళ్లను దిగుమతి చేసుకుంటున్నారు గోదావరి వాసులు.పాకిస్థాన్‌లోని సింధ్ ప్రాంతం ప్రాంతం కోడిపందేలకు బాగా ఫేమస్. ‘అసీల్’ అనే ఒక రకమైన కోడిపుంజును ఎక్కువగా పందేళ్లో వినియోగిస్తుంటారు. కత్తి కట్టకుండా పందెంలో గెలవడం ఈ కోళ్ల స్పెషాలిటీ. దీంతో ఇప్పుడు గోదావరి పందెంరాయుళ్ల కన్ను పాక్ కోళ్లపై పడిందంట. పాకిస్తాన్ నుంచే కాదు… తైవాన్, మలేషియా, ఇండోనేషియా లాంటి దేశాల నుంచి కూడా ప్రత్యేకంగా బ్రీడ్ తెప్పించి పెంచుతున్నారట

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com