Home > World News > National > 12 శాతానికి రెస్టారెంట్ శ్లాబ్

12 శాతానికి రెస్టారెంట్ శ్లాబ్

ఆసియా ఖండంలో ఆర్థిక అసమానతలు
కులభూషణ్ పై త్వరలో నిర్ణయం

gst-apduniaకేంద్ర ప్రభుత్వం జీఎస్టీ రేట్లను భారీ ఎత్తున సవరించింది. వినియోగదారులు, వ్యాపారుల నుంచి పెద్ద ఎత్తున ఫిర్యాదులు వస్తున్న నేపథ్యంలో కొన్ని కీలక రంగాలు, వస్తువులపై పన్నుల శాతాన్ని తగ్గిస్తూ జీఎస్టీ కౌన్సిల్‌ కొన్ని కీలక నిర్ణయాలు తీసుకుంది. మొత్తం 27 వస్తువులు, 12 సేవల పన్ను రేట్లను తగ్గించింది. అయితే ఏసీ రెస్టారెంట్లలో 18 శాతంగా ఉన్న పన్నును 12 శాతానికి తగ్గించాలని జీఎస్టీ కౌన్సిల్ ప్రతిపాదించింది. దీనిపై మంత్రుల బృందం సానుకూల నిర్ణయమే తీసుకుంటుందని జైట్లీ హామీ ఇచ్చారు. ఏసీ రెస్టారెంట్లలో జీఎస్టీని 12 శాతానికి తగ్గించేశారని ప్రచారం జరుగుతోంది. కానీ దీనిపై ఇంకా ప్రభుత్వం నుంచి తుది నిర్ణయం వెలువడలేదు. మంత్రి బృందం ఆమోదం తెలిపితేనే ఏసీ రెస్టారెంట్లలో పన్ను 12 శాతానికి దిగొస్తుంది. వాస్తవానికి ప్రస్తుతం ఏసీ రెస్టారెంట్లకు వెళ్లేవారికి ఫుడ్ బిల్లుతో పాటు అదనంగా పడే 18 శాతం జీఎస్టీ చాలా భారంగా మారింది. దీనిపై ప్రజల నుంచి తీవ్ర వ్యతిరేకత వ్యక్తమవుతోంది. ప్రస్తుతం నాన్ ఏసీ రెస్టారెంట్లలో జీఎస్టీ 12 శాతంగా ఉంది. ఇప్పుడు ఏసీ రెస్టారెంట్లలో కూడా జీఎస్టీని 12 శాతానికి తీసుకురావాలని జీఎస్టీ కౌన్సిల్ ప్రతిపాదించింది.

జీఎస్టీ తగ్గిన వస్తువులు, సేవలు ఇవే..
12% నుంచి 5%కి తగ్గినవి: బ్రాండెడ్‌ కాని నమ్‌కీన్‌, బ్రాండెడ్‌ కాని ఆయుర్వేద మందులు, ఎండు మామిడి బద్దలు, తినుబండారాలు, ఐసీడీఎస్‌ పథకం కింద పాఠశాలల్లోని పిల్లలకు ఇచ్చే ఆహార పొట్లాలు, ఖాకర్నాడ్‌ సాదా చపాతీ/రోటీ, జరీ, గిల్టు నగలు, ఆహార పదార్థాల తయారీకి సంబంధించిన జాబ్‌ వర్కు పనులు, ప్రింటింగ్‌ వస్తువులు, కార్మికులను అధిక సంఖ్యలో ఉపయోగించే ప్రభుత్వ గుత్తేదారుల సేవలు, మూడు పీసులు ఉన్న సల్వార్‌ సూట్‌, అసలు జరీ18% నుంచి 5%కి తగ్గినవి: ప్లాస్టిక్‌ వేస్ట్‌, రబ్బర్‌వేస్ట్‌, పేపర్‌వేస్ట్‌, ప్రభుత్వ పథకాల కింద పేదల కోసం తయారు చేసే ఆహార పదార్థాలు18% నుంచి 12%కి తగ్గినవి: చేతితో తయారు చేసే నూలు (వస్త్ర పరిశ్రమ వినియోగం కోసం), కుట్టుమిషన్ల దారం, సింథటిక్‌ ఫిలమెంట్‌ దారం (నైలాన్‌, పాలిస్టర్‌ వగైరా), కృత్రిమ ఫిలమెంట్‌ దారం (విస్కోస్‌ రేయాన్‌, కుప్రమోనియం వగైరా)28% నుంచి 18%కి తగ్గినవి: స్టేషనరీ వస్తువులు (పేపరు క్లిప్పులు, ట్యాగులు తదితరాలు), ఇంటి గచ్చులుగా ఉపయోగించే రాళ్లు (గ్రానెట్‌, పాలరాయి కాకుండా), డీజిల్‌ ఇంజిన్ల విడిభాగాలు, పంపుల విడిభాగాలు, పోస్టర్‌ కలర్లు, మోడలింగ్‌ పేస్ట్‌28% నుంచి 5 %కి తగ్గినవి: ఈ-వ్యర్థాలు, హార్డ్‌ రబ్బర్‌ వేస్ట్‌

Tags: ,

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com