Home > World News > భారత్ పై ప్రభావం చూపించనున్న గల్ఫ్ గోడవ

భారత్ పై ప్రభావం చూపించనున్న గల్ఫ్ గోడవ

బ్రిటన్ ప్రధాని ధెరిస్సాకు షాక్...
ఉల్లాసంగా..ఉత్సాహంగా టీఏజీసీ వనభోజనాలు

qatar-india-apduniaప్రపంచంలోని అత్యంత ధనిక దేశాల్లో ఒకటి ఖతార్. ఈ గల్ఫ్ దేశంతో సౌదీ అరేబియా, యూఏఈ, ఈజిప్ట్, మాల్దీవులు, బహ్రెయిన్ వంటి దేశాలు ఆర్థిక, దౌత్య సంబంధాలు తెంచుకుంటున్నట్టుగా ప్రకటించడం భారత్ పై పెను ప్రభావం చూపే అంశంగా మారింది. ఖతార్ ఉగ్రవాద సంస్థలకు అండగా ఉంటోందని, అందుకే ఆ దేశంతో సంబంధాలు తెంచుకుంటున్నట్టుగా ఆయా దేశాలు ప్రకటించాయి. మరి వాటిలో పుట్టిన ఈ పేచీ పరోక్షంగా భారతపై ఆర్థికపరమైన ప్రభావాన్ని చూపే అవకాశాలు కనిపిస్తున్నాయి. ఖతార్ మొత్తం జనాభా 26 లక్షలు కాగా, వారిలో భారతీయుల సంఖ్య దాదాపు ఏడు లక్షల మంది. ఈ విధంగా ఖతార్ జనాభాలో జాతుల వారీగా భారతీయులే నంబర్ వన్. అసలైన ఖతార్ పౌరుల సంఖ్య మూడు లక్షల చిల్లరే. మిగతా వారంతా ఉపాధికోసం, ఖతార్ పౌరుల కోసం సేవలు అందించడానికి వెళ్లిన వాళ్లే. బంగ్లాదేశ్ నుంచి రెండున్నర లక్షల మంది, పాక్, శ్రీలంక నుంచి దాదాపు లక్షమంది చొప్పున ఖతార్ కు వలస వెళ్లారు.ఖతార్ లో ఉపాధిని పొందిన భారతీయులు స్వదేశానికి ప్రతియేటా భారీ మొత్తాన్ని పంపుతున్నారు. ప్రతియేటా వీరు పంపుతున్న మొత్తం పాతిక వేల కోట్ల రూపాయల వరకూ ఉంది. విదేశాల నుంచి భారత్ కు తరలివస్తున్న సంపదలో అత్యధిక మొత్తం ఖతార్ నుంచే వస్తోంది. మరి ఈ గణాంకాలను బట్టి ఖతార్ పై భారత్ ఏ స్థాయిలో ఆధారపడి ఉందో ఇట్టే అర్థం చేసుకోవచ్చు.భారత్ కుచెందిన బోలెడన్ని ఐటీ, బ్యాంకింగ్ పరిశ్రమలు ఖతార్ ను కేంద్రంగా చేసుకుని పని చేస్తున్నాయి. కేవలం ఇండియా మాత్రమే కాదు.. ప్రపంచంలోనే అత్యంత ఎక్కువ తలసరి ఆదాయాన్ని కలిగిన ఖతార్ పై మిగతా దేశాలు కూడా అమితంగా ఆధారపడ్డాయి. ప్రపంచంలోని చమురు నిల్వల్లో ఖతార్ వద్ద ఉన్న వాటా 13 శాతం. అలాగే క్రీడా ఈవెంట్ల నిర్వహణలో కూడా ఖతార్ ముందుంటుంది. 2022 సాకర్ వరల్డ్ కప్ కు కూడా ఖతారే ఆతిథ్యం ఇవ్వాల్సి ఉంది.

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com