Home > Sports > ఇండియాలో ఫుట్ బాల్ కు పెరుగుతున్న ఆదరణ

ఇండియాలో ఫుట్ బాల్ కు పెరుగుతున్న ఆదరణ

టీమ్ లో 14 మందికి అవకాశం
మళ్లీ రింగ్ లోకి మేరికోమ్

football-india-apduniaక్రికెట్.. క్రికెట్.. స్పోర్ట్స్ అంటే భారత్‌లో ఏకైక నిర్వచనం క్రికెట్టే. క్రికెటర్లే హీరోలు, క్రికెటర్లే స్టార్లు.. ఆట అంటే క్రికెట్ తప్ప మరేం కాదు. బ్రిటీష్ వాళ్లు అలవాటు చేసి వెళ్లిన క్రికెట్ మత్తులో పడిపోయి.. భారత్ మరే ఇతర క్రీడలోనూ కనీస ప్రాతినిధ్యం లేకుండా చేసుకుంది. జాతీయ క్రీడ హాకీ ఆదరణ లేక అల్లాడుతోంది. ఇక ప్రపంచంలో అత్యధిక మంది వీక్షించే క్రీడ, అత్యధిక దేశాలు అంతర్జాతీయ స్థాయి మ్యాచ్ లను ఆడే క్రీడ అయిన ‘ఫుట్‌బాల్’ విషయంలో అయితే భారత్‌కు ఓనమాలు కూడా రావు. ప్రపంచంలో అత్యధిక మంది వీక్షించే క్రీడను ప్రపంచంలోనే అత్యధిక జనాభా కలిగిన దేశాల్లో ఒక్కటైన భారత్ లో పెద్దగా పట్టించుకోరు. అవతల ప్రపంచం సాకర్ మత్తును చిత్తుగా ఆస్వాదించేస్తున్నా.. ఇండియాలో మాత్రం ఫుట్‌బాల్ ఎవరికో కొందరికే పరిమితమైన క్రీడ. ఈశాన్య రాష్ట్రాల్లో, పశ్చిమబెంగాల్ లో, గోవా, కేరళల్లో ఫుల్‌బాల్ పై కాస్తంత ఆసక్తి ఎక్కువ. బెంగాల్ లో పురాతన ఫుట్‌బాల్ క్లబ్బులున్నాయి. కేవలం భారత్ మాత్రమే కాదు.. క్రికెట్ ను అధికంగా ఆరాధించే దేశాలు మరిన్ని కూడా ఉన్నాయి. కానీ.. అవి ఫుట్‌బాల్ లో కూడా తమ ప్రస్థానాన్ని కొనసాగిస్తున్నాయి. ఇంగ్లండ్, ఆస్ట్రేలియా వంటి దేశాల ఫుట్‌బాల్ జట్లు అంతర్జాతీయ స్థాయిలో ధీటుగా రాణిస్తున్నాయి. అయితే.. భారత్ కు అంతర్జాతీయ జట్టు అంటూ ఒకటి ఉందని భారతీయులకే తెలియని పరిస్థితి.తొలి సారి ఫుట్‌బాల్ కు సంబంధించి ఒక మెగా ఈవెంట్ కు భారత్ ఆతిధ్యం ఇస్తోంది. అండర్-17 సాకర్ వరల్డ్ కప్ కు ఇండియా ఆతిధ్యం ఇస్తోంది. నేటి నుంచి ఈ ఈవెంట్ ప్రారంభం అవుతోంది. ఏ ఈవెంట్ లో అయినా.. ఆతిధ్య దేశానికి డైరెక్ట్ ఎంట్రీ ఉంటుంది. అలాగే ఈ ప్రపంచకప్ లో ఆడేందుకు భారత జట్టుకు ఎంట్రీ దక్కింది.

ఆతిధ్య హక్కులు దక్కించుకున్నప్పటి నుంచి టీమిండియా తరఫున ఒక జట్టును తయారు చేయడానికి ఇండియన్ ఫుట్‌బాల్ ఫెడరేషన్ చాలా కష్టమే పడింది. దేశ వ్యాప్తంగా ఫుట్‌బాల్ ఆడే అనేక మంది 17 యేళ్ల వయసులోపు కుర్రాళ్లను ఏర్చికూర్చి జట్టును తయారు చేసింది. విదేశాలకు శిక్షణకు పంపింది. విదేశీ కోచ్ లతో వారికి శిక్షణను ఇప్పించింది. ఆ జట్టే నేడు తొలి మ్యాచ్ లో అమెరికన్ టీమ్ ను ఎదుర్కొనబోతోంది.సాకర్ లో అమెరికాకు సుదీర్ఘ ప్రస్థానమే ఉంది. అమెరికన్ కుర్రాళ్లు అండర్-17 విభాగం వాళ్లే కానీ, వాళ్లకు క్లబ్ స్థాయిలో అంతర్జాతీయ ఆటగాళ్లతో ఆడిన అనుభవం ఉంది. అలాంటి పటిష్టమైన జట్టుతో ఫుట్‌బాల్ లో పసికూన అయిన భారత్ తలపడబోతోంది. నేటి రాత్రి ఎనిమిది గంటలకు మ్యాచ్. ఢిల్లీలోని జవహార్ లాల్ నెహ్రూ ఫుట్‌బాల్ స్టేడియంలో మ్యాచ్.ఆతిథ్య జట్టు అయినందువల్లనే ట్రోఫీలో ఆడే అవకాశం పొందిన భారత్ నుంచి ఎక్కువగా ఎక్సెపెక్ట్ చేయవద్దని వేరే చెప్పనక్కర్లేదు. ఈ టోర్నీకి ఆతిథ్యం ఇవ్వడమే భారత్ కు మంచి అవకాశం. దీని వల్ల ఫుట్‌బాల్ పై అవగాహన పెంపొందే అవకాశం ఉంది. టీనేజర్లలో, పిల్లల్లో ఫుట్‌బాల్ గురించి మరింత ప్రచారం రావడం అయితే ఖాయం. తద్వారా ఇండియాలో సాకర్ కు ఆదరణ పెరిగే అవకాశం ఉంది. కనీసం భవిష్యత్తులో అయినా కొంతమంది కుర్రాళ్లు అయినా.. సాకర్ మైదానంలోకి అడుగుపెట్టే అవకాశాలు పెరుగుతాయి. ఈ ఈవెంట్ కు ఆతిధ్యం ఇవ్వడం.. భారత్ క్రీడా ప్రస్థానాన్ని కొత్త మలుపు తిప్పుతుందని ఆశిద్ధాం.

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com