Home > Movies > యూ ట్యూబ్ ను షేక్ చేస్తున్న జై లవకుశ ట్రయిలర్స్

యూ ట్యూబ్ ను షేక్ చేస్తున్న జై లవకుశ ట్రయిలర్స్

కార్తీ, రకుల్‌ జంటగా ఖాకి
సావిత్రి మూవీలో శాలినీ పాండే

jai-lava-kusa-teaser-apdunia‘జై లవకుశ’ ట్రైలర్ సోషల్ మీడియాలో సంచలన రికార్డ్స్‌ను క్రియేట్ చేస్తుంది. ‘ఏ తల్లికైనా ముగ్గురు మగ బిడ్డలు పుడితే రామలక్ష్మణభరతులు కావాలని కోరుకుంటుంది. కానీ ఈ తల్లికి పుట్టిన బిడ్డలు రావణ రామలక్ష్మణులు అయ్యారంటూ ఎన్టీఆర్ వాయిస్ ఓవర్‌తో ప్రారంభమైన ‘జై లవకుశ’ ట్రైలర్ ఆదివారం సాయంత్రం రిలీజై టాలీవుడ్‌తో పాటు సౌత్ ఇండియా రికార్డ్స్‌ని ఖతం చేసింది.‘ఘట్టం ఏదైనా పాత్ర ఏదైనా నేను రెడీ అంటూ ‘రావణుడి’ ఉగ్రరూపం చూపించడంతో ఈ ట్రైలర్ టాలీవుడ్‌లోనే కాకుండా సౌత్ ఇండియాలోనే అత్యధిక డిజిటల్ వ్యూస్ రికార్డ్‌ను తిరగరాసింది. విడుదలైన తొలి 24 గంటల్లోనే 7.54 మిలియన్ డిజిటల్ వ్యూస్ సాధించి సోషల్ మీడియాను షేక్ చేసేసింది. ఇక యూట్యూబ్‌లో 6 మిలియన్స్ వ్యూస్ సాధించి అజిత్ ‘వివేగం’ ట్రైలర్ రికార్డ్‌ను బ్రేక్ చేసింది ‘జై లవకుశ’ ట్రైలర్. ​ప్రస్తుతం యూట్యూబ్‌లో ఈ లెక్కలు గంటగంటకూ మారిపోయి యూట్యూబ్‌నే షేక్ చేసేస్తుంది. అటు అభిమానుల నుంచే కాకుండా సినీ ప్రముఖుల సైతం నుంచి కూడా అద్దిరిపోయే రెస్పాన్స్ కనిపిస్తోంది. జై లవ కుశ సినిమాలో మూడు విభిన్నమైన పాత్రల్లో ఎన్టీఆర్ కనబర్చిన ప్రతిభ అద్భుతమని, ఆ సినిమాను ఎప్పుడెప్పుడు చూడాలా అని ఆత్రుతగా వుందని రాజమౌళి ట్వీట్ చేయగా.. తాజాగా బాడ్మింటన్ డబుల్స్ క్రీడాకారిణి గుత్తా జ్వాల.. ‘తారక్!! వాట్ ఏ ట్రైలర్ మైండ్ బ్లాస్ట్’ అంటూ ట్వీట్ చేసింది.. వీరితో పాటు కొరటాల, థమన్, తరుణ్ ఆదర్శ్,మెహ్రీన్, సాయిధరమ్ తేజ్‌, రాజ్ తరుణ్, గోపీచంద్ మలినేని‌లు ట్రైలర్ అదుర్స్ అంటూ ట్వీట్స్‌ల వర్షం కురిపించారు.రెండు నిమిషాల 12 సెకన్ల ట్రైలర్‌లో జై,లవ,కుశ పాత్రల్లో ఎన్టీఆర్ నవరసాలను పండించేసి తాను మహానటుడ్ని అంటూ చెప్పకనే చెప్తున్నాడు. బాబి దర్శకత్వం‌లో ఎన్టీఆర్ ఆర్ట్స్ బ్యానర్‌పై కళ్యాణ్ రామ్ నిర్మిస్తున్న ఈ సినిమాలో రాశి ఖన్నా, నివేదా థామస్ కథానాయికలుగా నటిస్తున్నారు.సెప్టెంబర్ 21న భారీ అంచనాలతో ప్రపంచ వ్యాప్తంగా రిలీజ్ కానుంది.

Leave a Reply

Your email address will not be published. Required fields are marked *