Home > Crime > విజయ్ మాల్యా కోసం జైలు సిద్ధం

విజయ్ మాల్యా కోసం జైలు సిద్ధం

మాఫియా డాన్‌కు సొంత కొడుకు షాక్
వామ్మో...భోపాల్

Vijay Mallyaభారతీయ బ్యాంకులకు 9 వేల కోట్ల రూపాయలు ఎగనామం పెట్టి లండన్ పారిపోయిన విజయ్ మాల్యా కోసం జైలు సిద్ధం చేశారట. ఆయన కోసం ముంబైలోని ఆర్థర్ రోడ్ జైలును సిద్ధం చేసినట్లు వచ్చే వారం బ్రిటిష్ కోర్టుకు ఇండియా చెప్పనుంది. భారత ప్రభుత్వం తరఫున మాల్యా అప్పగింత కోసం వాదిస్తున్న క్రౌన్ ప్రాసిక్యూషన్ సర్వీస్ ద్వారా ఈ విషయాన్ని లండన్ కోర్టుకు వెల్లడించనున్నారు. మాల్యాను అప్పగించాలని భారత్ కోరగా.. ఇప్పటికే పూర్తిగా నిండి ఉన్న ఢిల్లీలోని తీహార్ జైల్లో వేస్తే అతడి మానవ హక్కులకు విఘాతం కలుగుతుందని పేర్కొంటూ.. కోర్టు ఆ వినతిని తిరస్కరించిన విషయం తెలిసిందే. వాద్రా, వీరభద్ర మాదిరిగా తాను కూడా రాజకీయ నిందితుణ్నే అని మాల్యా వాదిస్తున్నాడు.భారత్‌లోని జైళ్లు కూడా ప్రపంచంలోని ఇతర దేశాల జైళ్లకు ఏమాత్రం తీసిపోవని ఈ సందర్భంగా కోర్టులో ఇండియా వాదించనున్నట్లు తెలుస్తోంది. ఇండియాలోని జైళ్లలో మానవ హక్కుల ఉల్లంఘనలు జరిగాయని, ఇలాంటి పరిస్థితుల్లో మాల్యాను అప్పగించడం ఆయన ప్రాణానికి హాని కలిగిస్తుందని, అతడి తరఫు లాయర్లు కోర్టులో వాదించారు. దీనికి కౌంటర్ వేయాలని భారత్ భావిస్తోంది. డిసెంబర్ 4 నుంచి మాల్యా అప్పగింత కేసుపై లండన్ కోర్టు విచారణ జరపనుంది. ముంబైలోని ఆర్థర్ రోడ్ జైలు అత్యంత భద్రత ఉన్న జైలని, అంతర్జాతీయ ప్రమాణాలతో ఉన్నదని ఇండియా బ్రిటిష్ కోర్టుకు చెప్పనుంది. బాలీవుడ్ నటుడు సంజయ దత్.. అక్రమ ఆయుధాల కేసులో ఇదే జైల్లో శిక్ష అనుభవించాడు.

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com