Home > Politics > తెలుగు భాష కోసం కేసీఆర్ క్రిషి

తెలుగు భాష కోసం కేసీఆర్ క్రిషి

రైతు సమన్వయ సమితి ల ఏర్పాటు విప్లవాత్మక నిర్ణయం : మంత్రి కేటీఆర్
"స్వ‌చ్ఛ స‌ర్వేక్ష‌ణ్‌-2018లో గ్రేట‌ర్ హైద‌రాబాద్‌ను అగ్ర‌స్థానంలో నిలుపుదాం"

kcr-trs-apduniaతెలంగాణ ముఖ్యమంత్రి కేసీఆర్‌కు ఉపరాష్ట్రపతి వెంకయ్యనాయుడు అభినందనలు తెలిపారు. ఒకటో తరగతి నుంచి ఇంటర్ వరకు తెలుగు బోధన తప్పనిసరి చేసినందుకుగాను సీఎంను అభినందిస్తూ వెంకయ్య ట్వీట్ చేశారు. మాతృభాషలో విద్యా బోధన విషయంలో ఇతర రాష్ట్రాలు తెలంగాణను ఆదర్శంగా తీసుకోవాలని ఆయన సూచించారు. వీలైనంత త్వరలో ఆంధ్రప్రదేశ్ కూడా దీన్ని ఆచరణలో పెడుతుందని ఆశిస్తున్నట్లు వెంకయ్య పేర్కొన్నారు. హైదరాబాద్‌లో నిర్వహించ తలపెట్టిన ప్రపంచ తెలుగు మహాసభలను పురస్కరించుకొని సీఎం కేసీఆర్.. తెలుగును పరిరక్షించే పలు కీలక నిర్ణయాలను ప్రకటించారు.తెలుగును కచ్చితంగా బోధించే పాఠశాలలకు మాత్రమే తెలంగాణలో అనుమతి ఉంటుందని సీఎం కేసీఆర్‌ స్పష్టం చేశారు. కోరుకున్న విద్యార్థులకు ఉర్దూ భాష కూడా ఐచ్ఛికంగా ఉండాలని ఆయన సూచించారు. ప్రాథమిక, మాధ్యమిక, ఇంటర్మీడియట్‌, ఉన్నత తరగతుల్లో బోధించే తెలుగు పాఠ్యాంశానికి సంబంధించి కొత్త సిలబస్‌ రూపొందించి, పుస్తకాలను ముద్రించాలని సాహిత్య అకాడమీని ఆదేశించారు.తెలంగాణలో ఇకపై అన్ని ప్రభుత్వ, ప్రైవేట్ సంస్థలు ఇకపై తమ నేమ్ ప్లేట్స్‌ను కచ్చితంగా తెలుగులోనే రాయాలని సీఎం స్పష్టం చేశారు. వీటిపై స్పష్టంగా తెలుగులో రాయాలని, దాని కింద కావాలంటే.. ఇతర భాషల్లో రాసుకోవచ్చని ఆయన తెలిపారు.ప్రపంచ తెలుగు మహాసభలను ముందుగా అనుకున్నట్టు అక్టోబరులో కాకుండా.. డిసెంబరు 15 నుంచి 19 వరకు నిర్వహించాలని ఆయన అధికారులకు సూచించారు. వీటి కోసం రూ.50 కోట్లు మంజూరు చేస్తున్నట్లు చెప్పారు. ఈ కార్యక్రమానికి రాష్ట్రపతి, ప్రధాని, ఉప రాష్ట్రపతులను ఆహ్వానిస్తామని.. రాష్ట్రమంతటా పండగ వాతావరణంలో ఉత్సవాలను జరుపుతామని ఆయన తెలిపారు.

Leave a Reply

Your email address will not be published. Required fields are marked *