Home > Movies > ప్రిన్స్ ఆడియోకు భారీ ఏర్పాట్లు

ప్రిన్స్ ఆడియోకు భారీ ఏర్పాట్లు

కుశ మూవీపై భారీ అంచనాలు
అనుష్క కు నిరాశ పుట్టిస్తున్న భాగమతి

spider-mahesh-movie-apduniaప్రిన్స్ ‘స్పైడర్’ ఆడియో వేడుకను సెప్టెంబర్ 9న చెన్నైలో భారీ ఎత్తున నిర్వహించనున్నారు. తమిళ ఆడియో ఫంక్షన్‌లోనే పాటు తెలుగు పాటల్ని కూడా విడుదల చేయనున్నారు. మహేష్ బాబు- మురుగదాస్ కాంబినేషన్‌లో వస్తోన్న ‘స్పైడర్’ మూవీపై ప్రేక్షకుల్లో భారీ అంచనాలు ఉన్నాయి. ఈ సినిమాతో మహేష్ బాబు తమిళంలో ఎంట్రీ ఇస్తుండగా.. సుమారు 150 కోట్ల బడ్జెట్‌తో బాహుబలికి పనిచేసిన టెక్నీషియన్లతో ఈ సినిమాను హై టెక్నికల్ వాల్యూస్‌తో తెరకిక్కించారు మురుగదాస్. ఈ మూవీలో మహేష్ సరసన రకుల్ ప్రీత్ సింగ్ నటిస్తుండగా హారీష్ జైరాజ్ స్వరాలను సమకూర్చారు. ఈ మూవీలో మహేష్ ఇంటెలిజెన్స్ ఆఫీసర్‌గా కనిపించనుండగా రకుల్ ప్రీత్ మెడికోగా మెప్పించనుంది. ఇక ఈ సినిమా ఎలా ఉండబోతుందన్న విషయంపై క్లారిటీ ఇస్తూ విడుదలైన టీజర్, సాంగ్స్‌కి ఆడియన్స్ నుండి అద్భుతమైన రెస్పాన్స్ వస్తుంది.ఇటీవల ఈ సినిమా షూటింగ్‌కు గుమ్మడికాయ కొట్టేయడంతో ఈ నెల 27న గ్రాండ్ రిలీజ్‌కు ప్లాన్ చేశారు. దీంతో చిత్ర యూనిట్ ప్రమోషనల్ కార్యక్రమాల్లో బిజీగా ఉన్నారు. మరీ ముఖ్యంగా ఈ సినిమాతో మహేష్ తమిళంలో లాంచ్ అవుతుండటంతో మరిన్ని జాగ్రత్తలు తీసుకుంటున్నారు మురుగ అండ్ టీం. నిజానికి మహేష్ బాబు గత చిత్రాల ఆడియో ఫంక్షన్‌లు ఎక్కువగా హైదరాబాద్‌లోనే జరిగాయి అయితే మహేష్ ‘బ్రహ్మోత్సవం’ డిజాస్టర్ తరువాత మహేష్ భారీ చిత్రంతో ప్రేక్షకుల ముందుకురానుండటంతో ఆయన సినిమా కోసం అభిమానులు ఎదురు చూస్తున్నారు. ఇక ఆడియో వేడుకకు సైతం ఆయన ఫ్యాన్స్ ఎప్పటినుండో ఎదురు చూస్తున్నారు. అయితే ఆడియో వేడుకను చెన్నైలో నిర్వహిస్తుండటంతో ఫ్యాన్స్ కాస్త నిరుత్సాహ పడ్డారు. అయితే తెలుగు ఆడియన్స్ కోసం ఈ నెల 15న హైదరాబాద్‌లో పెద్ద ఎత్తున ప్రీ రిలీజ్ వేడుకను జరపాలని కూడా నిర్ణయించారు. ఈ కార్యక్రమం శిల్పకళావేదికలో ఘనంగా జరగనుంది. ఇక శనివారం జరగబోయే తమిళ ‘స్పైడర్’ ఆడియో వేడుకకు డైరెక్షర్ శంకర్‌తోపాటు కోలీవుడ్‌కి చెందిన ప్రముఖ హీరోలు హాజరౌతారని తెలుస్తోంది. ఈ మూవీని తెలుగు, తమిళంతో పాటు మలయాళంలోనూ సెప్టెంబర్ 27 రిలీజ్ చేస్తుండగా.. ఠాగూర్ మధు, ఎన్వీ ప్రసాద్‌లు సంయుక్తంగా నిర్మించారు.

Leave a Reply

Your email address will not be published. Required fields are marked *