Home > World News > National > ఫ్రాన్స్ అధ్యక్షుడి లైఫ్ తో సినిమా తీయోచ్చు టీచర్ ను పెళ్లి చేసుకున్న మేక్రాన్

ఫ్రాన్స్ అధ్యక్షుడి లైఫ్ తో సినిమా తీయోచ్చు టీచర్ ను పెళ్లి చేసుకున్న మేక్రాన్

మిడ్ డే మీల్స్ లో పాము
నోట్ల రద్దుతో ఎన్ని ఉద్యోగాలు పోయాయో తెలుసా?
 
france preisdent_apduniaఫ్రాన్స్ అధ్యక్ష ఎన్నికల్లో ఎమ్మాన్యుయెల్ మేక్రాన్ విజయం ఓ సంచలనం. అతిచిన్న వయసులోనే అధ్యక్షుడిగా ఎంపికవ్వడమే కాదు… దేశంలో పాతుకుపోయిన రెండు ప్రధాన పార్టీల అభ్యర్థులను ఓడించి, స్వతంత్ర అభ్యర్థిగా గెలిచి చూపించారు. అతని వ్యక్తిగత జీవితం కూడా సంచలనమే. టీనేజీ వయస్సులోనే తీసుకున్న నిర్ణయాలు, వాటిని నిలబెట్టుకున్న విధాలు, అందుకు చేసిన పోరాటాలు అన్నీ సినిమా కథను తలపిస్తాయి. మేక్రాన్ అధ్యక్షుడిగా గెలవగానే… అతని స్కూల్ మేట్స్, కాలేజ్ మేట్స్, ఉపాధ్యాయులు, లెక్చరర్లు… అందరూ ఒకేసారి ‘ఎవరూ టీచర్ ను ప్రేమించి పెళ్లాడిన ఆ యువకుడేనా?’ అని మేక్రాన్ ను గుర్తు చేసుకున్నారు. అవును మరి సినిమాల్లో జరిగేలా నిజజీవితంలోనూ జరిగితే ఆ స్టోరీని ఎవరూ అంత సులువుగా మర్చిపోరు.మేక్రాన్ తన ప్రేమను, ఆశయాన్ని… తాను అనుకున్నట్టే సాధించుకున్నారు. ఆ ప్రేమ సాంప్రదాయాలకు, పెద్దలకు వ్యతిరేకమైనా కూడా సమాజాన్ని లెక్క చేయకుండా దక్కించుకున్నారు. మేక్రాన్ ప్రేమ మామూలుది కాదు… టీనేజీ వయసులో తనకు పాఠాలు చెప్పిన టీచర్ బ్రిగెట్టీపైనే మనసు పారేసుకున్నారు. అప్పటికి ఆమె వయసు 40 ఏళ్లు. ఒకరికి భార్య, ముగ్గురు పిల్లల తల్లి. ఆమె కూతురు మేక్రాన్ కు క్లాస్ మేట్ కూడా. అయినా కూడా బ్రిగెట్టీని ఆరాధించారు మేక్రాన్. బ్రిగెట్టి అతని ప్రేమను చాలా తేలికగా తీసుకుంది. టీచర్ ను విద్యార్థులు ఇష్టపడడం చాలా సాధారణం అనుకుంది. కానీ రాను రాను మేక్రాన్ చాలా సీరియస్‌గా ప్రేమించడం మొదలుపెట్టారు. ఓరోజు ఆమెకు తన మనసులోని మాట చెప్పేశారు. పరిస్థితులు ఎలా ఉన్నా… ఎవరేమనుకున్నా… ఆమె ఒప్పకుంటే పెళ్లి చేసుకుంటానని చెప్పారు మేక్రాన్. ఆ ప్రేమ ప్రపోజల్ కు బ్రిగెట్టి పడిపోయింది. విషయం మేక్రాన్ తల్లిదండ్రులకు తెలిసింది. అందరి తల్లిదండ్రుల్లాగానే వారు కొడుకుని మందలించారు. బ్రిగెట్టీకి దూరంగా పంపించి చదివించారు. అయినా అతని మనసులోని ప్రేమను చంపలేక పోయారు.బ్రిగెట్టీ కూడా తనను అంతగా ఆరాధిస్తున్న మేక్రాన్‌ ను ప్రేమించడం మొదలుపెట్టింది. వారి ప్రేమ ఏళ్లు గడుస్తున్న చెక్కు చెదరలేదు. బ్రిగెట్టి తన ముగ్గురు పిల్లలకు 18 ఏళ్లు నిండాక ఆమె ఇంటి నుంచి బయటికి వచ్చేసింది. మేక్రాన్ 29 ఏళ్ల వయసులో 2007లో ఆమెను పెళ్లి చేసుకున్నారు. వీరి పెళ్లి జరిగి పదేళ్లు కావొస్తుంది. మేక్రాన్ కు ఇప్పుడు 39 ఏళ్లు కాగా, బ్రిగెట్టికి 64 ఏళ్లు. ముసలి వయసులో ఉన్న తన భార్యని ఎప్పటిలాగే ప్రేమిస్తున్నారు ఫ్రాన్స్ కొత్త అధ్యక్షుడిగా ఎన్నికైన మేక్రాన్. అతని గెలుపుతో ఎప్పుడో మరుగన పడిపోయిన వీరి ప్రేమకథ కూడా మళ్లీ వెలుగులోకి వచ్చింది. పారిస్ లోని ప్రముఖ మ్యాగజైన్ కవర్ పేజీలుగా ఈ ప్రేమకథే కొన్ని రోజులుగా హల్ చల్ చేస్తోంది. 

Leave a Reply

Your email address will not be published. Required fields are marked *