Home > Vanitha > Beauty > అల్లంలో ఔషధ గుణాలన్నెన్నో

అల్లంలో ఔషధ గుణాలన్నెన్నో

చికెన్ లాలీ పాప్స్
గ్రామాల్లో అంటువ్యాధుల భయం

ginger-apduniaవంటింట్లో వున్న ఔషదాల్లో ఒక గొప్ప ఔషదం అల్లం. ఎన్నో ఆరోగ్య సమస్యలకి వంటింట్లో వున్న ఈ దివ్య ఔష్యదంతో చెక్ పెట్టవచ్చు అంటున్నారు నిపుణులు.

పొట్ట ఉబ్బరం, కడుపు నొప్పి:
అల్లం ఛాయతో పొట్ట ఉబ్బరం, కడుపు నొప్పి నుంచి ఉపశమనం పొందవచ్చు. అల్లంలో ఉండే ఔషద గుణాలు పొట్టలో వున్న గ్యాస్‌ని బయటికి పంపించేయడానికి ఉపయోగపడతాయి. ఫలితంగా పొట్ట ఉబ్బరం, నొప్పి నుంచి త్వరిత ఉపశమనం లభిస్తుంది.

శరీరానికి వెచ్చదనం:
శీతాకాలంలో జలుబు బారిన పడకుండా శరీరాన్ని వెచ్చగా ఉంచుకునేందుకు అల్లం బాగా ఉపయోగపడుతుంది. చిన్న ముక్కలుగా తరిమిన ఒక టేబుల్ స్పూన్ అల్లం ముక్కలని రెండు కప్పుల నీటిలో వేసి 10 నిమిషాలపాటు మరగపెట్టాలి. అల్లంతో కాచిన ఈ నీళ్లు వేడి తగ్గిన తర్వాత కొన్ని తేనే చుక్కలు అందులో కలుపుకుని సేవించాలి. అప్పుడప్పుడు ఇలా అల్లంతో కాచిన నీటిని రోజులో రెండు లేదా మూడుసార్లు సేవిస్తే, జలుబు దరిచేరదు.

చెడిన పాదాలకి చెక్:
శీతాకాలంలో చెడిన పాదాలకి అల్లం మంచి ఔషదం. బాగా మరిగిన నీటిలో అల్లం ముక్కలు వేసి, నీళ్లు గోరువెచ్చగా వున్నప్పుడే అందులో 15 నిమిషాలపాటు పాదాలని పెట్టివుంచితే, పాదాలు చెడిపోకుండా వుంటాయి.

జలుబు, దగ్గుకి అల్లంతో చెక్:
ఒక టేబుల్ స్పూన్ తేనేలో కొన్ని అల్లం రసం చుక్కల్ని వేసి ఓ మిశ్రమంగా కలిపి తీసుకుంటే, జలుబు, దగ్గు హుష్‌కాకి అవుతాయి. రోజుకు రెండు నుంచి నాలుగుసార్లు ఇలా చేయాలి.

నొప్పి నివారిణి:
వివిధ రకాల నొప్పులకి అల్లం ఒక దివ్యమైన ఔషదంగా పనిచేస్తుంది. మీరు రోజూ తీసుకునే ఆహారంలో అల్లం మిశ్రమాన్ని తీసుకుంటే ప్రయోజనం కనిపిస్తుంది. లేదా వేడి నీటిలో అల్లం, నిమ్మరసం, తేనే మిశ్రమాలు కలిపి తీసుకున్నా ఫలితం ఉంటుంది.

Tags:

Leave a Reply

Your email address will not be published. Required fields are marked *