Home > General > కలకలం రేపుతున్న సెల్ఫీ సూసైడ్ నోట్

కలకలం రేపుతున్న సెల్ఫీ సూసైడ్ నోట్

బొ్ంగు చికెన్ కు ఫిదా అవుతున్న జనం
అరకొరగానే సాగర్ నీరు

suicide-apduniaనాగర్ కర్నూలు జిల్లాకు చెందిన రాజు అనే యువకుడు పెట్టిన సెల్ఫీ సూసైడ్ నోట్ కలకలం రేపుతోంది. రాజుకు ఏడేళ్ల కిందట అదే ప్రాంతానికి చెందిన ఓ యువతితో వివాహం జరిగింది. భార్యాభర్తల మధ్య మనస్పర్థలు తలెత్తడంతో ఆమె తన పుట్టింటికి చేరింది. ఆమెను తీసుకురావాలనే ఉద్దేశంతో అతడు అత్తవారింటికి వెళ్లాడు. దీనిని అవకాశంగా చేసుకున్న అత్తింటి బంధువులు రాజుపై దాడి చేసి, పోలీసులకు ఫిర్యాదు చేశారు. ఫిర్యాదు ఆధారంగా కేసు నమోదుచేసిన పోలీసులు అరెస్ట్ చేసి జైల్లో పెట్టి చితక్కొట్టారు.తాను చేసిన తప్పేంటి? అని నిలదీయడంతో కేసీఆర్, చంద్రబాబు చంపేయమన్నారని, అందుకే కొడుతున్నామని ఎస్సై సైదాబాబు సమాధానం చెప్పాడని బాధితుడు సెల్ఫీ వీడియోలో పేర్కొన్నాడు. తనను బట్టలిప్పించి గొడ్డును బాదినట్టు బాదారని కన్నీటిపర్యంతమయ్యాడు. ఆ దెబ్బలకు నడవలేకపోతున్నానని, తొడలు కమిలిపోయాయని, ఇదేం న్యాయమని అడిగాడు. పోలీసులు ఇలాగేనా వ్యవహరించేది? అని నిలదీశాడు. మహిళలు కూడా ఆలోచించాలని, వారిది కూడా తప్పు ఉంటుందని, తప్పంతా మగాళ్ల మీదే తోసేయడం సరికాదని హితవు పలికాడు.అనంతరం పురుగుల మందుతాగి ఆత్మహత్యాయత్నం చేశాడు. అపస్మారక స్థితిలో ఉన్న రాజును కుటుంబ సభ్యులు ఆసుపత్రికి తరలించారు. అయితే పరిస్థితి విషమించడంతో చికిత్స పొందుతూ రాజు ప్రాణాలు కోల్పోయాడు. అనంతరం అతడి అంత్యక్రియల సమయంలో మొబైల్‌లో ఈ సూసైడ్ వీడియో లభ్యమైంది. దీంతో ఎస్సై సైదాబాబును కఠినంగా శిక్షించాలని వారు డిమాండ్ చేస్తున్నారు.

Leave a Reply

Your email address will not be published. Required fields are marked *