Home > Politics > బాలయ్యకు గుడివాడ… హిందూపురానికి లోకేశ్

బాలయ్యకు గుడివాడ… హిందూపురానికి లోకేశ్

యువమంత్రి పెట్టబడుల వేట
బాలారిష్టాలు దాటని జనసేన

balakrishna-lokeshఆంధ్రప్రదేశ్ ముఖ్యమంత్రి చంద్రబాబు నాయుడు తనయుడు, ప్రస్తుత మంత్రి నారా లోకేశ్ వచ్చే ఎన్నికల్లో ఎక్కడి నుంచి అసెంబ్లీకి పోటీ చేస్తారనే దానిపై ఎప్పటికప్పుడు సరికొత్త ఊహాగానాలు వినిపిస్తూనే ఉన్నాయి. ప్రస్తుతం ఎమ్మెల్సీ కోటాలో మంత్రి అయిన లోకేశ్.. వచ్చే ఎన్నికల్లో ఎమ్మెల్యేగా పోటీచేయడం ఖాయం. అయితే అది ఏ నియోజకవర్గం నుంచి అనేదే ప్రశ్నగా మిగిలిపోయింది. అయితే తాజాగా వస్తోన్న వార్తలను బట్టి లోకేశ్‌కు కీలకమైన హిందూపురం నియోజకవర్గం కేటాయించాలని చంద్రబాబు ప్లాన్ చేస్తున్నారట. ప్రస్తుతం హిందూపురం ఎమ్మెల్యేగా ఉన్న నందమూరి బాలకృష్ణను గుడివాడ నియోజకవర్గం నుంచి నిలబెడతారట.వాస్తవానికి తాతయ్య ఎన్టీఆర్ జన్మస్థలమైన గుడివాడ నుంచే పోటీ చేయడానికి లోకేశ్ ఆసక్తి చూపించారట. అయితే హిందూపురంలో కచ్చితంగా గెలిచితీరాలనే పట్టుదలతోనే అక్కడ కుమారుడిని చంద్రబాబు రంగంలోకి దింపేందుకు ఎత్తులు వేస్తున్నారని అంటున్నారు. తెలుగుదేశం పార్టీ ఆవిర్భావం నుంచి జయకేతనం ఎగరవేస్తున్న హిందూపురంలో కొంతకాలంగా ఆ పార్టీకి ఎదురుగాలి వీస్తోందనే ప్రచారం జరుగుతోంది. ఈ నేపథ్యంలో బాలయ్యబాబు కన్నా.. యువరక్తం లోకేశ్‌ను బరిలోకి దింపితే బాగుంటుందని సీఎం భావిస్తున్నారట. మరోవైపు బావ బాలయ్య నుంచి ఎలాంటి ఇబ్బందులు రాకుండా ఆయనకి గుడివాడ నియోజకవర్గం కేటాయిస్తారని తెలుస్తోంది.అంతా సవ్యంగా జరిగితే 2019 ఎన్నికల్లో జరిగేది ఇదే. వాస్తవానికి హిందూపురం నియోజకవర్గం లోకేశ్‌కు కేటాయించి.. బాలయ్యను రాజ్యసభకు పంపే ఆలోచనలో చంద్రబాబు ఉన్నారని గతంలో ఊహాగానాలు వినిపించాయి. అయితే ఇప్పుడు నందమూరి అభిమానులు, బాలయ్య నుంచి ఎలాంటి ఇబ్బందులు రాకూడదంటే ఆయనకు గుడివాడ కేటాయించడమే మంచిదని చంద్రబాబు భావించినట్లు సమాచారం. మరి ఈ వార్తల్లో నిజమెంత, టీడీపీకి కంచుకోట అయిన హిందూపురం నుంచి లోకేశ్ నిజంగానే బరిలోకి దిగుతారా అనే విషయాలు తెలియాలంటే కొన్నాళ్లు ఆగాల్సిందే.

Leave a Reply

Your email address will not be published. Required fields are marked *