Home > Movies > 2.0 ఇంకా టైముంది…

2.0 ఇంకా టైముంది…

షకీలా 250 వ చిత్రం 'శీలవతి' ఫస్ట్‌లుక్‌ విడుదల
రియా ఇరగదీస్తోంది

robo.20-apduniaశంకర్, రజనీకాంత్ క్రేజీ కాంబినేషన్‌లో వస్తున్న 2.O (రోబో2) మూవీకి సంబంధించి ఆసక్తికరమైన విషయాన్ని తెలియజేశాడు దర్శకుడు శంకర్. రజినీకాంత్ హీరోగా రోబో చిత్రానికి సీక్వెల్‌గా 2.O (రోబో2) చిత్రాన్ని రూపొందిస్తున్నారాయన. దాదాపు రూ. 450 కోట్ల బడ్జెట్‌తో రూపొందుతోన్న ఈ సినిమాను తెలుగు, హిందీ, తమిళ భాషల్లో ఒకేసారి రిలీజ్ చేయడానికి ప్లాన్ చేస్తున్నారు.భారీ బడ్జెట్ చిత్రాలకు కేరాఫ్ అడ్రెస్ దర్శకుడు శంకర్ హై టెక్నాలజీ వాల్యూస్‌తో ఈ చిత్రాన్ని విజువల్ వండర్‌గా తీర్చిదిద్దుతున్నారు. ఇప్పటికే చిత్రీకరణ పూర్తి చేసుకున్న ఈ సినిమా ప్రస్తుతం నిర్మాణానంతరం కార్యక్రమాలు జరుపుకుంటోంది. కాగా గణతంత్రదినోత్సవం సందర్భంగా దర్శకుడు శంకర్‌ అందరికీ శుభాకాంక్షలు తెలియజేస్తూ.. 2.O (రోబో2) టీజర్ అప్డేట్స్‌ను ప్రేక్షకులకు తెలియజేశారు.2.O టీజర్‌‌ వర్క్ అత్యాధునిక టెక్నాలజీతో లాస్‌ ఏంజిల్స్‌లోని మాబ్‌సీన్‌ సంస్థలో జరుగుతోందని.. కంప్యూటర్‌ గ్రాఫిక్స్‌తో కూడుకున్న పని ముగిసిన వెంటనే టీజర్ రిలీజ్ చేస్తున్నట్లు తెలిపారు. అయితే డేట్‌ను మాత్రం అనౌన్స్ చేయలేదు. వాస్తవానికి ఈ మూవీ రిపబ్లిక్ డే సందర్భంగా విడుదల చేయడానికి యూనిట్ మొదట్లో ప్లాన్ చేసింది. అయితే అదే తేదీకి కనీసం టీజర్‌ను కూడా రిలీజ్ చేయలేకపోవడంతో ఎంతో ఆశగా ఎదురు చూసిన అభిమానులకు మరోసారి నిరాశే ఎదురైంది. వీఎఫ్‌ఎక్స్‌ పనులు పూర్తికాకపోవడంతో మరికొన్నాళ్లు ఈ మూవీ టీజర్ కోసం ఎదురుచూడక తప్పదు.ఇదిలాఉంటే.. తమిళ, తెలుగు, మలయాళం, హిందీ భాషల్లో భారీ ఎత్తున విడుదల కానున్న 2.0 మూవీలో రజనీకాంత్‌తో పాటు అక్షయ్ కుమార్ కూడా ప్రధాన ఆకర్షణగా నిలుస్తుండటంతో బాహుబలి 2 కి మించిన స్థాయి ఓపెనింగ్స్ రావడం ఖాయం అని భావిస్తున్నారు మేకర్. ఈ మూవీకి ఏ మాత్రం పాజిటివ్ టాక్ వచ్చినా.. ఇండియన్ బాక్సాఫీస్ రికార్డులన్నింటినీ రోబో 2 షేక్ చేయడం ఖాయమని మార్కెట్ విశ్లేషకులు అంచనా వేస్తున్నారు.ఇండియన్‌ సినిమాలోనే 450 కోట్ల రూపాయల భారీ బడ్జెట్‌తో, హై టెక్నికల్‌ వాల్యూస్‌తో హాలీవుడ్‌ స్థాయిలో లైకా ప్రొడక్షన్స్‌ సంస్థ ఈ చిత్రాన్ని నిర్మిస్తోంది. ఈ చిత్రంలో బాలీవుడ్‌ స్టార్‌ హీరో అక్షయ్‌కుమార్‌ విలన్‌గా ఓ విభిన్నమైన పాత్ర పోషిస్తుండగా, ఎమీ జాక్సన్‌ హీరోయిన్‌గా నటిస్తోంది. వీరితో పాటు సుధాంశు పాండే, ఆదిల్‌ హుసేన్‌, కళాభవన్‌ షాజాన్‌, రియాజ్‌ ఖాన్‌ ఇతర పాత్రల్లో నటిస్తున్నారు.

Leave a Reply

Your email address will not be published. Required fields are marked *