Home > Sports > భారత్ 70 మిలియన్ డాలర్లు చెల్లించాల్సిందే

భారత్ 70 మిలియన్ డాలర్లు చెల్లించాల్సిందే

మళ్లీ రింగ్ లోకి మేరికోమ్
పద్మభూషణ్‌కు పీవీ సింధు పేరు సిఫార్సు

bcci-apduniaఒప్పందం ప్రకారం తమతో భారత జట్టు ద్వైపాక్షిక సిరీస్ ఆడనందుకు బీసీసీఐ పరిహారం చెల్లించాలని పాకిస్థాన్ క్రికెట్ బోర్డు డిమాండ్ చేసింది. 2015-2023 మధ్య కాలంలో ఆరు ద్వైపాక్షిక సిరీస్‌లు ఆడేలా భారత్, పాకిస్థాన్‌ క్రికెట్ బోర్డుల మధ్య ఒప్పందం కుదుర్చుకున్నాయి. అయితే.. ఇరు దేశాల మధ్య సామరస్య వాతావరణం లేకపోవడంతో భారత్ జట్టు పాకిస్థాన్‌తో మ్యాచ్‌లు ఆడేందుకు నిరాకరించింది. దీంతో ఇటీవల అంతర్జాతీయ క్రికెట్ కౌన్సిల్ వద్ద ఈ విషయమై మొరపెట్టుకున్న పాకిస్థాన్.. తాజాగా 70మిలియన్ డాలర్లు పరిహారం రూపంలో బీసీసీఐ చెల్లించాలని డిమాండ్ చేసింది. ‘మా సమస్య ఏంటంటే.. ఆరు ద్వైపాక్షిక సిరీస్‌లు ఆడేందుకు బీసీసీఐ మాతో 2014లో ఒప్పందం కుదుర్చుకుంది. అది కూడా మొదట సిరీస్‌ పాక్‌లోనే ఆడేలా అందులో ఉంది. కానీ.. ఇప్పటి వరకు ఒక్కటంటే.. ఒక్కటి కూడా జరగలేదు. ఐసీసీ టోర్నమెంట్లు (వన్డే ప్రపంచకప్, టీ20 ప్రపంచకప్, ఛాంపియన్స్ ట్రోఫీ)‌లో పాకిస్థాన్‌తో ఆడేందుకు భారత్‌కి ఎలాంటి అభ్యంతరం లేదు. కానీ.. ద్వైపాక్షిక సిరీస్ అనగానే వెనకడుగు ఎందుకు వేస్తోంది..? కావాలంటే తటస్థ వేదికగా దుబాయ్‌లో మ్యాచ్‌లు నిర్వహిస్తామని గతంలో చెప్పినా.. బీసీసీఐ పట్టించుకోవడం లేదు’ అని పాకిస్థాన్ క్రికెట్ బోర్డు ఛైర్మన్ నిజామ్ సేథీ ఆవేదన వ్యక్తం చేశాడు.

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com