Home > Politics > చిరంజీవి కోసం పార్టీల గాలం

చిరంజీవి కోసం పార్టీల గాలం

ఏపీలో పార్టీల ఎన్నికల హడావిడి
ప్రభుత్వ ఆసుపత్రుల బలోపేతానికి కృషి చేసే ఏఎన్ఎంలకు అవార్డులు

chiranjeevi-apduniaవచ్చే ఏడాది ఏప్రిల్ ఆరంభానికళ్లా మెగాస్టార్ చిరంజీవి రాజ్యసభ సభ్యత్వ కాలం ముగియనుంది. ప్రజారాజ్యం పార్టీని కాంగ్రెస్ లోకి విలీనం చేసి.. చిరంజీవి పొందిన రాజ్యసభ సభ్యత్వ కాలం అంతటితో ముగియనుంది. మరి ఆ తర్వాత ఏంటి? చిరంజీవి రాజకీయ ప్రయాణం ఎలా సాగనుంది? అనేది అత్యంత ఆసక్తిదాయకమైన అంశం. అంతటితో చిరంజీవి రాజకీయాల నుంచి పూర్తిగా వైదొలుగుతారా? ఎలాగూ నటుడిగా మళ్లీ వరసపెట్టి సినిమాలు చేస్తున్నాడు కాబట్టి.. రాజకీయాలకు వీడ్కోలు పలుకుతారా? లేక.. రాజకీయాల్లో కొనసాగుతారా? అనేవి ఆసక్తిదాయకమైన అంశాలు. చిరంజీవికి వివిధ పార్టీల నుంచి ఆసక్తిదాయకమైన ఆఫర్లు వెళ్తున్నట్టు సమాచారం. చిరంజీవిని మళ్లీ రాజ్యసభకు నామినేట్ చేస్తామని రాజకీయ పార్టీలు ప్రతిపాదిస్తున్నాయని తెలుస్తోంది. ఇలాంటి ఆఫర్ ను ఇస్తున్న పార్టీల్లో తెలుగుదేశం, వైఎస్సార్ కాంగ్రెస్ లు ఉన్నాయని తెలుస్తోంది.చిరంజీవిని తిరిగి రాజ్యసభకు నామినేట్ చేసే శక్తి కాంగ్రెస్ లేదని స్పష్టం అవుతోంది. ఏపీ కోటా లో ఛాన్సే లేదు, వేరే రాష్ట్రాల నుంచి కూడా చిరును నామినేట్ చేయడం కాంగ్రెస్ కు సాధ్యం కాకపోవచ్చు. ఇలాంటి నేపథ్యంలో.. చిరంజీవిని పదవిలో కొనసాగిస్తామని.. తమ పార్టీ తీర్థం పుచ్చుకోవాలని తెలుగుదేశం, వైఎస్సార్ కాంగ్రెస్ పార్టీలు ప్రతిపాదనలు పంపుతున్నట్టుగా వార్తలు వస్తున్నాయి. చిరంజీవికి సన్నిహితమైన వ్యక్తులు అటు తెలుగుదేశంలోనూ ఉన్నారు. వైఎస్సార్ కాంగ్రెస్ పార్టీలోనూ ఉన్నారు.ఈ నేపథ్యంలో.. వారి ద్వారా చిరుకు వర్తమానాలు వెళ్తున్నాయట. తిరిగి రాజ్యసభకు నామినేట్ చేస్తాం.. మా పార్టీలో చేరండని ఇరు పార్టీలూ కోరుతున్నాయట. అయితే చిరంజీవి ఈ విషయంలో ఇంకా ఏం స్పందించనట్టుగా తెలుస్తోంది.

Leave a Reply

Your email address will not be published. Required fields are marked *