Home > General > ఆధార్ గడువు మళ్లీ పెరగనుంది…

ఆధార్ గడువు మళ్లీ పెరగనుంది…

విమాన టిక్కెట్లకు కేంద్రం కళ్లెం
మూడీస్ తో మార్పు వస్తుందా

aadhar-apduniaప్రభుత్వం అందజేసే సంక్షేమ పథకాలకు అధార్ అనుసంధానం తప్పనిసరి చేస్తూ కేంద్రం తీసుకున్న నిర్ణయానికి వ్యతిరేకంగా దాఖలైన పలు పిటిషన్లపై సర్వోన్నత న్యాయస్థానం సోమవారం విచారణ చేపట్టింది. వివిధ పథకాలకు ఆధార్‌ అనుసంధానానికి గడువును 2018 మార్చి 31 వరకు పొడిగిస్తామని విచారణ సందర్భంగా ధర్మసనానికి కేంద్రం తెలిపింది. మొబైల్ నెంబరుతో పాన్ అనుసంధానానికి గడువు డిసెంబరు 31 కాగా, మొబైల్‌ నెంబర్‌కు 2018 ఫిబ్రవరి 6 వరకు ఉంది. బ్యాంకు ఖాతాలు, మొబైల్ నెంబర్ల, పాన్‌తో ఆధార్ అనుసంధానానికి వ్యతిరేకంగా దాఖలైన పిటిషన్లపై విచారణకు రాజ్యాంగ ధర్మాసనాన్ని సుప్రీంకోర్టు వచ్చేవారం ఏర్పాటుచేయనుంది.సంక్షేమ పథకాల లబ్దిదారులు ఆధార్‌ అనుసంధానాన్ని తప్పనిసరి చేయడాన్ని వ్యతిరేకిస్తూ దాఖలైన పిటిషన్ల విచారణ మాత్రం దిల్లీ ప్రభుత్వం-కేంద్రం మధ్య ఉన్న విభేదాలు తొలగిపోయాక చేపడతామని ధర్మాసనం స్పష్టం చేసింది. ప్రస్తుతం దేశ రాజధాని దిల్లీలో లెఫ్టినెంట్‌ గవర్నర్‌ చేపట్టే అధికారాలను తమకు బదిలీ చేయాలని కోరుతూ ఆప్ సర్కార్ సుప్రీంకోర్డులో వ్యాజ్యాన్ని దాఖలు చేసింది. దేశ రాజధాని కాబట్టి అధికారాలన్నీ రాష్ట్ర ప్రభుత్వానికి బదిలీచేయడం కుదరదని కేంద్రం దీనిపై పిటిషన్ దాఖలు చేసిన విషయం తెలిసిందే. ఈ వివాదం ముగిసిన తర్వాతే ఆధార్‌ అనుసంధానానికి వ్యతిరేకంగా దాఖలైన పిటిషన్లపై విచారణ చేపడతామని సుప్రీంకోర్టు పేర్కొంది.మ్యూచువల్ ఫండ్స్, ఇన్సూరెన్స్ పాలసీ, పీపీఎఫ్, చిన్న మొత్తాలు పొదుపు పథకాలకు కూడా ఆధార్‌ను కేంద్రం తప్పనిసరి చేసింది. సీనియర్ సిటిజన్‌ కోసం ప్రారంభించిన వరిష్ఠత ఫించన్ బీమా యోజన పథకానికి కూడా ఆధార్ ‌అనుసంధానం చేయడం జరిగింది. ఈ పథకాన్ని లైఫ్ ఇన్సూరెన్స్ కార్పొరేషన్ ఆఫ్ ఇండియా ద్వారా అమలు చేయనున్నారు.

Tags:

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com