Home > Politics > ఇండియాలో వారసత్వ రాజకీయాలు సాధారణం

ఇండియాలో వారసత్వ రాజకీయాలు సాధారణం

కోమటి బ్రదర్స్....కిం కర్తవ్యం
కోర్టులు మీకెలా కనిపిస్తున్నాయి

Rahul Gandhi at Jan Vedna Sammelanదేశంలోని బంధుప్రీతి, వారసత్వ రాజకీయాల గురించి ప్రస్తావిస్తూ, కాంగ్రెస్ ఉపాధ్యక్షుడు రాహుల్ గాంధీ కీలక వ్యాఖ్యలు చేశారు. అమెరికాలోని కాలిఫోర్నియా యూనివర్శిటీ విద్యార్థులను ఉద్దేశించి ప్రసంగించిన ఆయన, అన్ని రంగాల్లో వారసత్వం కొనసాగుతోందని వ్యాఖ్యానించారు. సినీ రంగంలో అభిషేక్ బచ్చన్, వ్యాపార రంగంలో ముఖేష్ అంబానీ పేర్లను ప్రస్తావించిన ఆయన, ఇదో సమస్యేనని, అయితే, ఇండియాలో అధికంగా జరిగేది ఇదేనని పేర్కొన్నారు. “అలాగే అన్ని రాజకీయ పార్టీల్లో ఇదే కొనసాగుతోంది… ఇండియాలో ఇది సర్వసాధారణం. కాబట్టి కేవలం నా వెనుకే పడవద్దు. అఖిలేష్ యాదవ్, స్టాలిన్ లాంటి వారెందరో ఉన్నారు.రాజకీయ వారసత్వ చర్చల్లో కేవలం నా పేరు మాత్రమే వాడవద్దు. అభిషేక్ బచ్చన్, ముఖేష్ అంబానీ కూడా వారి వారి రంగాల్లో వారసులే, ఇండియాలో ఇదే జరుగుతుంది” అని ఆయన అన్నారు. “భారత్‌లో బీజేపీ అనే ఓ యంత్రం ఉంది. దాని ముందు 1000 మంది కూర్చుని నిత్యమూ కంప్యూటర్ల ద్వారా నా గురించి మీకు చెబుతుంటారు. అదో అద్భుత యంత్రం. నాపై దుష్ప్రచారమే దాని పని. నేనో విఫలమైన రాజకీయ నాయకుడినని, పనికిమాలినవాడినని ప్రచారం చేస్తున్నారు. దేశాన్ని నడుపుతున్న ఓ జెంటిల్‌మెన్ దీన్ని నిర్వహిస్తున్నారని పరోక్షంగా ప్రధాని నరేంద్ర మోదీపై రాహుల్ గాంధీ విమర్శలు గుప్పించారు.తనకన్నా, మోదీ మంచి వక్త అని, మూడు నాలుగు వేర్వేరు వర్గాలకు వారికి నప్పేలా సందేశాన్ని ఇచ్చే సత్తా ఆయనకుందని, పైపై మెరుగులను మాత్రమే ఆయన ప్రచారం చేసుకుంటున్నారని, తాము మాత్రం క్షేత్ర స్థాయిలో పనిచేసుకుంటూ వెళుతున్నామని రాహుల్ అన్నారు. తాను తొమ్మిదేళ్ల పాటు మన్మోహన్ సింగ్, చిదంబరం, జైరాం రమేష్ లాంటి వారి మార్గదర్శకత్వంలో పని చేశానని ఆయన తెలిపారు. 2013లో తమ ప్రభుత్వమే ఉగ్రవాదుల వెన్ను విరిచిందని, అప్పట్లో తాము చేపట్టిన చర్యల వల్లే కశ్మీర్‌లో తీవ్రవాదుల సంఖ్య తగ్గిందని, ఇప్పుడు మోదీ అదంతా తమ ఘనతని ప్రచారం చేసుకుంటున్నారని ఎద్దేవా చేశారు.

Leave a Reply

Your email address will not be published. Required fields are marked *