Home > Movies > విజయ్ ‘మెర్సల్’ సినిమాకు తలైవా మద్దతు

విజయ్ ‘మెర్సల్’ సినిమాకు తలైవా మద్దతు

16న వెంకీ, తేజ సినిమా
ఎన్టీఆర్ సినిమాకు పవన్ క్లాప్

rajinikanth-vijay-apduniaతమిళనాడు బీజేపీ నేతల జోక్యంతో వివాదాల్లో చిక్కుకున్న విజయ్ ‘మెర్సల్’ సినిమాకు తలైవా రజినీకాంత్ మద్దతుగా నిలిచారు. జీఎస్టీని విమర్శించే విధంగా ఉన్న పలు అభ్యంతరకర సన్నివేశాలను వెంటనే తొలగించాలని డిమాండ్ చేస్తున్న బీజేపీకి సూపర్‌స్టార్ గట్టి దెబ్బ కొట్టారు. ‘ముఖ్యమైన అంశాన్ని ప్రస్తావించారు… వెల్ డన్!!! మెర్సల్ బృందానికి నా అభినందనలు’ అని రజినీకాంత్ ట్వీట్ చేశారు. ఆ ముఖ్యమైన విషయమేమిటో రజినీ స్పష్టం చేయకపోయినప్పటికీ.. కచ్చితంగా జీఎస్టీ గురించే అని అర్థమైపోతుంది.రజినీ ట్వీట్‌తో విజయ్ అభిమానులకు కొత్త ఉత్సాహం వచ్చింది. ‘మెర్సల్’కు మద్దతుగా నిలిచిన తలైవాను ధన్యవాదాలు అంటూ విజయ్ అభిమానులు ట్విట్టర్ ద్వారా స్పందిస్తున్నారు. మరోవైపు ‘2.0’ షూటింగ్‌లో బిజీగా ఉండటం వల్లే ఈ అంశంపై రజినీకాంత్ స్పందించడం కాస్త ఆలస్యమైందని ఆయన అభిమానులు రిప్లై ట్వీట్లు పెట్టారు. ఇదిలా ఉంటే, జీఎస్టీపై ‘మెర్సల్‌’ చిత్రంలో ఉన్న సంభాషణలపై తమిళనాడు బీజేపీ జాతీయ కార్యదర్శి రాజా, రాష్ట్ర అధ్యక్షుడు సౌందరరాజన్, కేంద్ర మంత్రి రాధాకృష్ణన్‌లు అభ్యంతరం వ్యక్తం చేసిన సంగతి తెలిసిందే.తమిళనాడులో తీవ్ర దుమారం రేపిన ఈ అంశంలో కోలీవుడ్ ‘మెర్సల్’కు అండగా నిలిచింది. ఇప్పటికే సీనియర్ నటుడు కమల్‌హాసన్ తన మద్దతను ప్రకటించారు. ఇప్పుడు రజినీకాంత్ స్పందించారు. మరోవైపు, ‘మెర్సల్‌’ సినిమాను ఆన్‌లైన్‌లో చూసి బీజేపీ నేత రాజా పైరసీని ప్రోత్సహించారని తమిళ నడిగర్‌ సంఘం అధ్యక్షుడు విశాల్‌ ఆరోపించారు. రాజకీయంగానూ ‘మెర్సల్’కు మద్దతు లభిస్తోంది. ఇప్పటికే డీఎంకే కార్యనిర్వాహక అధ్యక్షుడు స్టాలిన్, కాంగ్రెస్‌ ఉపాధ్యక్షుడు రాహుల్‌ గాంధీ తమ మద్దతు ప్రకటించారు.

Leave a Reply

Your email address will not be published. Required fields are marked *