Home > Movies > చిరంజీవి మూవీకి సినిమాటోగ్రాఫర్ గా రత్నవేలు

చిరంజీవి మూవీకి సినిమాటోగ్రాఫర్ గా రత్నవేలు

ఇప్పుడు డైరక్షన్ కాదు... నటనే పైనే దృష్టి
విజయ్ రేటు బాగా పెరిగిపోయిందోచ్,,,

ratna-vel-apduniaతెలుగు రాష్ట్రాల్లో మెగాస్టార్ చిరంజీవి క్రేజ్ ఎలా ఉంటుందో ప్రత్యేకంగా చెప్పనవసరంలేదు. చిరు 151వ సినిమాగా స్వాతంత్య్ర సమరయోధుడు ఉయ్యాలవాడ నరసింహారెడ్డి జీవిత కథను ఎంచుకుని తన ప్రత్యేకతను చాటుకున్నారు. ఇక సినిమా ఫస్ట్‌లుక్ మోషన్ పోస్టర్ విడుదలకాగానే మెగా ఫ్యాన్స్ పండగ చేసుకున్నారు. ‘సైరా నరసింహారెడ్డి’ అని టైటిల్ పెట్టడం.. దానికి తగినట్టుగానే చిరంజీవి గ్రాఫికల్ లుక్‌ను చూసి అభిమానులు ఉబ్బితబ్బిబ్బయ్యారు. మోషన్ పోస్టర్‌ను విడుదల చేయడంతోనే సినిమా తారాగణం, టెక్నికల్ టీంని పరిచయం చేశారు.కమర్షియల్ డైరెక్టర్ సురేందర్ రెడ్డి దర్శకత్వంలో కొణిదెల ప్రొడక్షన్స్ బ్యానర్‌పై రామ్ చరణ్ ఈ సినిమాను నిర్మిస్తోంది. ఈ సినిమా షూటింగ్ ఎప్పుడెప్పుడు మొదలవుతుందా అని సినీ ప్రేమికులంతా ఆసక్తిగా ఎదురుచూస్తున్నారు. అయితే సినిమా చిత్రీకరణలో ప్రధానమైన సినిమాటోగ్రాఫర్ ‘సైరా’ ప్రాజెక్టు నుంచి తప్పుకున్నట్లు విశ్వసనీయ వర్గాల సమాచారం. ‘సైరా’కు మొదట రవివర్మన్ చాయాగ్రహణం వహించనున్నట్లు ప్రకటించారు.అయితే ఆయన బిజీ షెడ్యూల్ కారణంగా డేట్స్ అడ్జస్ట్ చేయలేకపోతున్నారట. అందుకని ఈ ప్రాజెక్టు నుంచి ఆయన తప్పుకున్నట్లు తెలుస్తోంది. రవివర్మన్ స్థానంలో ప్రముఖ సినిమాటోగ్రాఫర్ రత్నవేలును తీసుకున్నట్లు సమాచారం. చిరంజీవి గత చిత్రం ‘ఖైదీ నంబర్ 150’కి రత్నవేలు సినిమాటోగ్రాఫర్‌గా పనిచేశారు. ఇప్పుడు మరోసారి చిరంజీవితో పనిచేసే అవకాశం రావడం రత్నవేలు చాలా సంతోషం వ్యక్తం చేస్తున్నారట.కాగా, ‘సైరా’లో బాలీవుడ్ మెగాస్టార్ అమితాబ్ బచ్చన్ ప్రత్యేక పాత్ర పోషిస్తుండటం మరో విశేషం. నయనతార, సుదీప్, జగపతిబాబు, విజయ్ సేతుపతి, నాజర్ ఇతర ప్రధాన పాత్రలు పోషిస్తున్నారు. ఆస్కార్ విజేత ఎ.ఆర్.రెహమాన్ సంగీతాన్ని స్వరపరుస్తున్నారు.

Leave a Reply

Your email address will not be published. Required fields are marked *