Home > World News > మళ్లీ ట్రంప్ పై మాటల తూటాలు

మళ్లీ ట్రంప్ పై మాటల తూటాలు

ట్రంప్ ఫై మొదటిసారి గళం వినిపించిన మాజీ దేశాధ్యక్షులు
ఆసియా ఖండంలో ఆర్థిక అసమానతలు

ri-yong-ho-apduniaఅమెరికా అధ్యక్షుడు డొనాల్డ్ ట్రంప్ తమతో యుద్ధాన్ని ప్రారంభించారని, దీనికి ఆ దేశం మూల్యం చెల్లించాల్సి ఉంటుందని ఉత్తర కొరియా విదేశాంగ మంత్రి హెచ్చరించినట్లు రష్యా అధికారిక న్యూస్ ఏజెన్సీ పేర్కొంది. ఉత్తర కొరియా విదేశాంగ మంత్రి రి యాంగ్ హో రష్యన్ మీడియా టాస్‌తో తమ అణు, క్షిపణి ప్రయోగాల వల్ల తూర్పు ఆసియా శాంతికి ఎలాంటి విఘాతం కలగదని, దీని గురించి చర్చించాల్సిన అవసరం లేదని అన్నారు.మతిస్థిమితం లేని ప్రకటనలతో ఐక్యరాజ్యసమితి అధికారాన్ని దుర్వినియోగం చేస్తూ ట్రంప్ మాకు వ్యతిరేకంగా యుద్ధాన్ని ప్రారంభించాడని, దీనికి మేము చేతలతోనే సమాధానం చెబుతామని రి యాంగ్ పేర్కొన్నారు. ఈ ప్రయాణంలో మేము తుది మజిలీకి చేరుకుని, చివరి గోల్‌కు సిద్ధంగా ఉన్నామని, అమెరికాతో సరిసమానంగా పోరాడే శక్తి తమకుందని ఆయన పేర్కొన్నారు. అలాగే ప్రస్తుత పరిస్థితులను బట్టి మా అణ్వాయుధాల విషయంలో ఎలాంటి చర్చలకు అంగీకరించబోమని స్పష్టం చేశారు.ఐక్యరాజ్యసమితి ఆంక్షలను ధిక్కరిస్తూ ఉత్తర కొరియా అణు, క్షిపణి పరీక్షలు నిర్వహించడంతో ఇరు దేశాల మధ్య ఉద్రిక్తతలు గత కొన్ని వారాలుగా మరింత ఎక్కువయ్యాయి. అనేక క్షిపణి పరీక్షలతోపాటు హైడ్రోజన్ బాంబును తాము అభివృద్ధి చేశామని, వీటితో అమెరికాను భూస్థాపితం చేస్తామని ఉత్తర కొరియా ప్రకటనలు గుప్పిస్తోంది. అలాగే ఇటీవలే ట్రంప్‌నుద్దేశించిన యాంగ్ చేసిన వ్యాఖ్యాలు ఇరుదేశాల మధ్య యుద్ధ వాతావరణాన్ని మరింత పెంచాయి.

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com