Home > Movies > బాహుబలి రికార్డులే టార్గెట్

బాహుబలి రికార్డులే టార్గెట్

అనుష్క కు నిరాశ పుట్టిస్తున్న భాగమతి
ఎరోటిక్ థ్రిల్లర్ చిత్రంగా శ్రీవల్లీ

robo-2.0-apduniaరజినీకాంత్ హీరోగా దర్శకుడు శంకర్ రూపొందిస్తోన్న ప్రతిష్టాత్మక చిత్రం ‘2.0’. భారీ బడ్జెట్‌తో రూపొందిస్తున్న ఈ సినిమాపై ప్రేక్షకుల్లో భారీ అంచనాలే ఉన్నాయి. ‘బాహుబలి’ రికార్డులను కొల్లగొట్టే విధంగా ఈ సినిమాకు ప్రణాళిక సిద్ధం చేశారని కోలీవుడ్ టాక్. ప్రస్తుతం ఈ సినిమా పోస్ట్ ప్రొడక్షన్ పనులు జరుగుతున్నాయి. అయితే ఇప్పటినుంచే సినిమా ప్రమోషన్స్ మొదలుపెట్టాలని నిర్ణయించుకుంది చిత్రబృందం. ఇందులో భాగంగా ముందుగా దుబాయిలో ఆడియోను విడుదల చేయాలనుకుంటున్నారు. ఆ తరువాత హైదరాబాద్‌లో టీజర్‌ను, చెన్నైలో సినిమా ట్రైలర్‌ను విడుదల చేయడానికి ప్లాన్ చేస్తున్నారు.ఇలా మూడు చోట్ల చాలా గ్రాండ్‌గా ఈవెంట్లను నిర్వహించాలని నిర్ణయించారు. అక్టోబర్ నెలలో దుబాయిలో ఆడియో విడుదల చేయనున్నారు. నవంబర్‌లో టీజర్‌ను, డిసెంబర్ నెలలో ట్రైలర్‌ను ప్రేక్షకుల ముందుకు తీసుకురానున్నారు. ఈ వేడుకలకు సినీప్రముఖులు తరలిరానున్నట్లు సమాచారం. వచ్చే ఏడాది ఈ సినిమాను ప్రేక్షకుల ముందుకు తీసుకురావాడానికి సన్నాహాలు జరుగుతున్నాయి. ఈ సినిమాలో రజినీకాంత్ సరసన అమీ జాక్సన్ హీరోయిన్‌గా నటిస్తున్న సంగతి తెలిసిందే. బాలీవుడ్ స్టార్ హీరో అక్షయ్ కుమార్ విలన్ పాత్రలో నటిస్తున్నారు. ఎ.ఆర్. రెహమాన్ సంగీతం, నిరవ్ షా సినిమాటోగ్రఫీ ప్రత్యేక ఆకర్షణ. లైకా ప్రొడక్షన్ సంస్థ తమిళం, హిందీ, తెలుగు భాషల్లో ఈ సినిమాను నిర్మిస్తోంది.

Leave a Reply

Your email address will not be published. Required fields are marked *