Home > Crime > చిర్రెత్తుకొచ్చి ఆర్టీసీ బస్సు ఎత్తుకెళ్లాడు

చిర్రెత్తుకొచ్చి ఆర్టీసీ బస్సు ఎత్తుకెళ్లాడు

2009 నాటి డొంక కదులుతోంది
ప్రియుడితో లేచిపోయిన పెళ్లి కుమార్తె

rtc-tiruvanantapuramతిరువనంతపురంలోని అట్టింగల్‌కు చెందిన అలోసిస్ మిత్రుణ్ని కలవడానికి కొల్లాం వెళ్లాడు. స్నేహితుడితో కలిసి బాగానే ఎంజాయ్ చేశాడు. చీకటి పడుతుండటంతో ఇంటికెళ్దామని కొల్లాం బస్టాప్‌కు చేరుకున్నాడు. అక్కడికెళ్లాక ఎంతకీ బస్ రాకపోవడంతో అతడికి చిర్రెత్తుకొచ్చింది. ఇలాంటి స్థితిలో ఏదో ఒక బస్సు చూసుకొని.. డ్రైవర్, కండక్టర్‌ను కట్టి పడేసి.. ఆ బస్సు తీసుకొని ఇంటికెళ్లిపోవాలనిపిస్తుంది కదా! సరిగ్గా ఇలాగే అనిపించింది కేరళకు చెందిన ఓ వ్యక్తికి. వెంటనే అతడు మరో ఆలోచన లేకుండా ప్లాట్‌ఫాంపై నిలిపిన ఓ బస్సును స్టార్ట్ చేసుకొని వెళ్లిపోయాడు. పైగా మనోడు కాస్త మద్యం కూడా పుచ్చుకున్నాడు. ఇక ఎవరికి భయపడతాడూ..! కానీ, అదే మద్యం అతడి కొంపముంచడంతో పోలీసులకు దొరికిపోయాడు. ఆర్టీసీ అధికారులను ఉరుకులు పరుగులు పెట్టించిన ఈ ఘటన కేరళలోని కొల్లాంలో చోటు చేసుకుంది.బస్టాప్‌లో చాలా బస్సులున్నా.. ఒక్కటీ తీయడం లేదు.ఓపిక నశించిన అలోసిస్.. తనకు డ్రైవింగ్ కూడా వచ్చి ఉండటంతో.. ఓ బస్సు తీసుకొని పారిపోదామనుకున్నాడు. అక్కడికెళ్లి చూస్తే.. చాలా బస్సులూ ప్లాట్‌ఫాంపై ఖాళీగా నిలిపేసి ఉన్నాయి. వాటి ‘కీ’లను కూడా అలాగే ఒదిలేసి.. చాలా మంది డ్రైవర్, కండక్టర్లు బాతాఖానీ కొడుతూ కాలక్షేపం చేస్తున్నారు. ఇక వెంటనే సూపర్ ఫాస్ట్ బస్సొకటి చూసుకొని మనోడు రెచ్చిపోయాడు.మార్గమధ్యంలో అదుపుతప్పి ఆ బస్సును ఓ ఎలక్ట్రిక్ పోల్‌కు గుద్దేశాడు. దాన్ని రోడ్డు పక్కన అలాగే ఒదిలేసి పారిపోయాడు. కొంత దూరం వెళ్లాక ఏదో తేడాగా అనిపించి తన కాళ్ల వంక చూసుకోగా.. ఓ పాదానికి చెప్పు లేనట్టు గమనించాడు. ఆ చెప్పు కోసం ముప్పుతిప్పలు పడుతూ.. అతడు మళ్లీ తిరుగుబాట పట్టగా.. ఆ బస్సు గురించి వెతుకుతూ వచ్చిన పోలీసులు ఎదురుపడ్డారు. మందుబాబు నేరుగా ఆ పోలీసుల దగ్గరికెళ్లి.. ‘హలో.. స్సార్.. ఇక్కడో బస్సుండాలి.. ఏవైనా చూశారా..’ అని అడిగేశాడు. విషయం ఇట్టే అర్థం చేసుకున్న పోలీసులు వెంటనే అతణ్ని పారిపోకుండా గట్టిగా పట్టేసుకున్నారు. అప్పటికైనా ఆగకుండా మనోడు పోలీసులతో వాగ్వాదానికి దిగాడు.‘ఇంట నైట్ పూట.. బస్ కోషం చూషీ.. చూషీ.. యెవడైనా ఏం చేష్తాడూ.. నేన్ అర్జెంట్‌గా ఇంటికెళ్‌..పోవాలా.. ఇప్పుడు.. బస్ తెప్పిష్తారా.. లేదా? ట్టుమార్రో మార్‌నింగే దాన్ని తిరిగిట్చేస్తా’ అంటూ పోలీసులనే ఎదురు ప్రశ్నించాడు. ఇప్పుడు నీకిక ఇంటికెళ్లే పని లేదులే అంటూ.. పోలీసులు అతగాణ్ని శ్రీకృష్ణుడి జన్మస్థానానికి పట్టుకెళ్లారు.

Tags: ,

Leave a Reply

Your email address will not be published. Required fields are marked *