Home > Movies > డీజేకు సెన్సార్ బోర్డ్ నుంచి క్లీయరెన్స్

డీజేకు సెన్సార్ బోర్డ్ నుంచి క్లీయరెన్స్

బాలీవుడ్ సినిమాకు రకుల్ సైన్
టాప్ గేర్ లో రోబో 2 శాటిలైట్ బిజినెస్

dj-allu-arjun-apduniaఅల్లు అర్జున్ అప్‌కమింగ్ మూవీ ‘దువ్వాడ జగన్నాథమ్’కి సెన్సార్ బోర్డ్ నుంచి క్లీయరెన్స్ వచ్చేసింది. కొద్దిసేపటి క్రితమే సినిమా చూసిన సెన్సార్ బోర్డ్ U/A సర్టిఫికెట్ జారీ చేసింది. వచ్చే వారమే ఆడియెన్స్ ముందుకు రానున్న దువ్వాడ జగన్నాథమ్ కోసం బన్నీ ఫ్యాన్స్ ఎంతో ఆత్రుతగా ఎదురుచూస్తున్నారు. హరీష్ శంకర్ డైరెక్ట్ చేసిన ‘దువ్వాడ జగన్నాథమ్’ ఇటీవలే బ్రాహ్మణ సంఘాల ఆగ్రహానికి గురైంది. శివుడిని ఆరాధించేందుకు ఉపయోగించే నమకం, చమకం అనే పదాలని గుడిలో బడిలో పాటలో హీరోయిన్ అందాన్ని పొగిడేందుకు ఉపయోగించారని బ్రాహ్మణ సంఘాలు తీవ్ర నిరసన వ్యక్తంచేశాయి. వారి అభ్యంతరం మేరకు ఆ రెండు పదాలని పాటలోంచి తొలగిస్తున్నట్టు స్పష్టంచేశారు దర్శకుడు హరీష్ శంకర్.ఇటీవల జరిగిన ప్రీ-రిలీజ్ ఫంక్షన్‌లో మళ్లీ అవే పదాలతో వున్న పాటని విడుదల చేశారని ఆరోపిస్తూ బ్రాహ్మణ సంఘాలు మరోసారి డీజేపై తమ ఆగ్రహాన్ని వెళ్లగక్కాయి. ఇదిలావుండగానే ఈ సినిమాలో హిందువుల మనోభావాలు దెబ్బతీసే విధంగా పలు సన్నివేశాలు చిత్రీకరించారని ఆరోపిస్తూ తెలంగాణ బ్రాహ్మణ సంఘాలు ఈసారి హెచ్చార్సీని ఆశ్రయించాయి. ఆయా సన్నివేశాలని ఆ చిత్రంలోంచి తొలగించడమైనా చేయాలి లేదా చిత్రం విడుదలని అడ్డుకోవాలని బ్రాహ్మణ సంఘాలు తమ ఫిర్యాదులో విజ్ఞప్తి చేశాయి. ఫిర్యాదుపై స్పందించిన హెచ్చార్సీ.. సెన్సార్ బోర్డ్ డైరెక్టర్, రాష్ట్ర చలనచిత్ర అభివృద్ధి సంస్థ డైరెక్టర్, ప్రభుత్వ ప్రధాన కార్యదర్శి, హోంశాఖ కార్యదర్శిలకి నోటీసులు జారీ చేసింది. ఈనెల 19వ తేదీలోగా వివరణ ఇవ్వాల్సిందిగా హెచ్చార్సీ ఈ నోటీసుల్లో పేర్కొంది. అయితే, హెచ్చార్సీ జారీ చేసిన ఆదేశాలకి సెన్సార్ బోర్డ్ ఏం వివరణ ఇచ్చిందో తెలియనప్పటికీ… ఇవాళ ఆ చిత్రం విడుదలకి మాత్రం సెన్సార్ నుంచి గ్రీన్ సిగ్నల్ లభించింది.

Leave a Reply

Your email address will not be published. Required fields are marked *