Home > World News > కులభూషణ్ పై త్వరలో నిర్ణయం

కులభూషణ్ పై త్వరలో నిర్ణయం

12 శాతానికి రెస్టారెంట్ శ్లాబ్
వెలుగులోకి జయలలిత మృతి

kulbhushan-jadav-apduniaపాకిస్తాన్ లో ఢచార్యానికి పాల్పడుతున్నాడనే ఆరోపణలతో భారత్‌కు చెందిన నౌకాదళ మాజీ అధికారి కుల్‌భూషణ్ జాదవ్‌‌‌కు పాకిస్థాన్ మరణశిక్ష విధించిన విషయం తెలిసిందే. దీనిపై అంతర్జాతీయ న్యాయస్థానంలో భారత్ ఫిర్యాదు చేయడంతో జాదవ్‌ మరణశిక్షను నిలిపివేయాలని మే 18 న తీర్పు వెలువరించింది. అంతర్జాతీయ న్యాయస్థానం ఆదేశాలతో పాకిస్థాన్ వెనక్కు తగ్గింది. అంతకు ముందు ఈ కేసు అంతర్జాతీయ న్యాయస్థానం పరిధిలోకి రాదని పాక్ వాదించింది. అయితే వియన్నా ఒప్పందంపై భారత్, పాక్‌లు సంతకం చేశాయని, ఇరు దేశాలూ ఇందులో భాగస్వాములు కాబట్టి తమకు విచారించే అధికారం ఉందని ఐసీజే గుర్తుచేసింది.మరోసారి సెప్టెంబరు 15 న భారత్, పాక్‌లు వాదనలు వినిపించాయి. అయితే జాదవ్ ఎలాంటి విద్రోహక చర్యలకు పాల్పడలేదని భారత్ లిఖితపూర్వక పిటిషన్‌ను కోర్టుకు సమర్పించింది. జాదవ్‌ క్షమాభిక్షపై అంతర్జాతీయ న్యాయస్థానానికి భారత్ అందజేసిన పిటిషన్‌ తమకు చేరిందని, దీనిపై పరిశీలన తుది దశలో ఉందని పాకిస్థాన్ సైన్యం అధికార ప్రతినిథి ప్రకటించారు. అలాగే ఆర్మీ చీఫ్ జనరల్ కమర్ బజ్వా త్వరలో దీనిపై నిర్ణయం తీసుకుంటారని తెలిపారు. ఈ వ్యాఖ్యలను బట్టి ఆయనకు క్షమాభిక్ష లభించి, కేంద్ర ప్రభుత్వం చేస్తున్న ప్రయత్నాలు సఫలమైనట్లే కనిపిస్తున్నాయి. జాదవ్‌ను కాపాడేందుకు భారత ప్రభుత్వం తనవంతుగా అనేక ప్రయత్నాలు చేస్తోంది.కుల్‌భూష‌ణ్ జాద‌వ్ కేసు అంశంపై పాకిస్థాన్ చేస్తోన్న వాదనలు సరికావని అప్పట్లో అంతర్జాతీయ న్యాయస్థానం అధ్యక్షుడు రోన్నే అన్నారు. వియన్నా ఒప్పందం ప్రకారం కుల్‌భూష‌ణ్ జాద‌వ్‌ను క‌లిసే హ‌క్కు భార‌త్‌కు ఉంద‌ని తెలిపారు. పాకిస్థాన్‌లో జాదవ్‌ను కలుసుకునేందుకు భారత దౌత్య అధికారులకు అనుమతి ఇవ్వాలని ఆదేశించారు. మరోవైపు జైలులోని తన కుమారుడిని కలుసుకోడానికి అనుమతి ఇవ్వాలని పాకిస్థాన్ ప్రభుత్వానికి కుల్‌ భూషణ్ జాదవ్ తల్లి కోరినా ఎలాంటి స్పందన లేదు.

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com