Home > World News > తీవ్రవాద సంస్థలతో బంధం తెంచుకోండి

తీవ్రవాద సంస్థలతో బంధం తెంచుకోండి

ప్రపంచమంతా శాఖాహారులైతే ఎలా ఉంటుంది..
పాకిస్తాన్, చైనాలపై డ్రోన్ల నిఘా

gulf_apduniaఉగ్రవాద కార్యకలాపాలకు మద్దతిస్తోందని ఆరోపిస్తూ ఖతార్‌తో నాలుగు గల్ఫ్ దేశాలు ఇటీవల సంబంధాలను తెంచుకున్నాయి. దీంతో ఖతార్‌ దౌత్య సంక్షోభంలో చిక్కుకుపోయింది. ఈ పరిస్థితి నుంచి ఖతార్‌ బయటపడాలంటే తీవ్రవాద సంస్థలతో సంబంధాలు పూర్తిగా తెంచుకోవాలని సౌదీ, బహ్రెయిన్, యూఏఈ, ఈజిప్టు దేశాలు డిమాండ్‌ చేస్తున్నాయి. దీనికి సంబంధించిన లేఖను ఖతార్‌కు పంపించాయి. ఈ లేఖపై అమెరికా, కువైట్‌లతో చర్చిస్తోన్న ఖతార్‌ తమపై ఆరోపణలను తీవ్రంగా ఖండించిందిఇస్లామిక్‌స్టేట్‌ ఆఫ్ ఇరాక్ అండ్ సిరియా, అల్‌ఖైదా, లెబనీషియా టెర్రరిస్ట్‌ గ్రూప్‌ హెచ్‌బొల్లా ఉగ్రవాద సంస్థలతో మేం తెగదెంపులు చేసుకోలేం. ఎందుకంటే వాటితో మాకు సంబంధాలే లేవు కాబట్టి అని ఖతార్‌ ప్రకటించింది. అలాగే ఆ దేశాలు డిమాండ్‌ చేస్తున్నట్లుగా ఇరాన్‌కు చెందిన రివల్యూషనరీ గార్డ్‌ తమ దేశంలోనే లేనప్పుడు ఎలా బహిష్కరించగలమని పేర్కొంది.అరబ్‌ దేశాలు పంపిన డిమాండ్లపై తాము అమెరికా, కువైట్‌తో చర్చిస్తున్నామని తెలిపింది. వారి డిమాండ్లను అంగీకరించాలంటే తమ దగ్గర కూడా కొన్ని షరతులు ఉన్నాయని పేర్కొంది. వారు పేర్కొన్న డిమాండ్లు చాలా అనుచితంగా ఉన్నాయని, వాటికి సమాధానం చెప్పడానికి గడువు విధించలేమని ఇలా చేస్తే ఖతార్‌ సార్వభౌమాధికారాన్ని ప్రశ్నించినట్లేనని తెలిపింది.ఈ నెల 5న సౌదీ అరేబియా సహా యునైటెడ్‌ అరబ్‌ ఎమిరేట్స్‌, బహ్రెయిన్‌, ఈజిప్టులు ఖతార్‌తో అన్ని రకాల సంబంధాలు తెంచుకున్నట్లు ప్రకటించిన విషయం తెలిసిందే. ఉగ్రవాదానికి ఆ దేశం మద్దతిస్తోందని అందుకే ఈ నిర్ణయం తీసుకున్నట్లు పేర్కొన్నాయి. అయితే సంబంధాలు పునరుద్ధరించేందుకు ఖతార్‌కు ఓ అవకాశాన్నిచ్చాయి. ఉగ్రవాద సంస్థలతో సంబంధాలు తెంచుకోవాలని, అల్‌ జజిరా టీవీ ఛానల్‌ను మూసివేయాలని 13 డిమాండ్లతో కూడిన లేఖను పంపించాయి. దానిపై 10 రోజుల్లోగా స్పందించాలని కూడా స్పష్టం చేశాయి. వారు ఇచ్చిన 10 రోజుల గడువు ఈ ఆదివారంతో ముగియనుంది. 

Leave a Reply

Your email address will not be published. Required fields are marked *