Home > Editorial > అనాధ నుంచి స్విట్జర్లాండ్ ఎంపీ వరకు….

అనాధ నుంచి స్విట్జర్లాండ్ ఎంపీ వరకు….

కొనసాగుతున్న మోడీ, షా జైత్రయాత్ర
వ్యవసాయానికి సాయం అవసరం

niklas-nick-gukkar-apduniaనాలుగు దశాబ్దాల కిందట ఉడుపి మిషనరీ హాస్పిటల్‌లో అనివార్య కారణాలతో ఓ మగబిడ్డకు జన్మనిచ్చిన మహిళ ఆ శిశువు అక్కడే వదిలేసి వెళ్లిపోయింది. అనాథగా మారిన ఆ శిశువును జర్మన్ మిషనరీలో పనిచేసే దంపతులు దత్తత తీసుకున్నారు. కేరళలోని థలసేరీలో అనాథ శరణాలయం నిర్వహించే ఈ దంపతులు నాలుగేళ్ల తర్వాత ఆ బిడ్డకు తీసుకుని తమ స్వదేశం స్విట్జర్లాండ్‌కు వెళ్లిపోయారు. సీన్ కట్ చేస్తే… ప్రస్తుతం అతడు స్విట్జర్లాండ్ పార్లమెంటుకు ఎంపికయ్యాడు. గత నవంబరులో జరిగిన స్విస్ నేషనల్ కౌన్సిల్ ఎన్నికల్లో బెర్న్ నుంచి ఎవాంజెలికల్ పీపుల్స్ పార్టీ తరఫున గెలుపొందాడు. అంతేకాదు స్విస్ పార్లమెంటుకు ఎన్నికైన పిన్నవయస్కుల్లో ఒకరిగానూ నిలిచారు. అతడే నిక్ గుగ్గర్.1970 మే 1 న ఉడుపిలోని బేసల్ మిషన్ హాస్పిటల్‌లో బిడ్డను ప్రసవించిన తర్వాత నిక్ తల్లి అతడిని వదిలేసి వెళ్లిపోయింది. దీంతో స్విట్జర్లాండ్‌కు చెందిన ఫ్రిట్జ్ గుగ్గర్, ఎలిజిబెత్ గుగ్గర్ దంపతులు అతడిని దత్తత తీసుకున్నారు. నాలుగేళ్ల తర్వాత తమ స్వదేశానికి నిక్‌‌ను తీసుకుని వెళ్లిపోయారు. వారి కుమారుడిగా పెరిగిన నిక్, సామాజిక వ్యవస్థాపకుడిగానూ తనదైన ముద్రవేశాడు. వివాహం చేసుకుని ముగ్గురు పిల్లలకు తండ్రైన నిక్ తాను చిన్ననాడు పెరిగిన అనాథ శరణాలయంలో తల్లిదండ్రులతో కలిసి సేవా కార్యక్రమాలను నిర్వహిస్తున్నాడు. ఈ ఏడాది తొలిసారి భారత్‌కు వచ్చిన నిక్ తర్వలో జరగబోయే 70 వ భారత్-స్విట్జర్లాండ్ మైత్రీ వేడుకలకు రానున్నాడు.తన కన్నతల్లిని కలుసుకోవాలని ఆరాటపడుతోన్న నిక్.. తనను అనాథగా వదిలేయడానికి బలమైన కారణం ఉండి ఉంటుందని, లేకపోతే ఏ తల్లీ తన పిల్లలను అనాథగా వదిలేయదని, ఒకవేళ ఆమెను నేను కలుసుకుంటే తను ఆశ్చర్యపోతుందని అన్నాడు. తనకు విధిపై నమ్మకం ఉందని తెలిపాడు. ఆయన ఆశ ఫలిస్తుందో లేదో కాలమే నిర్ణయిస్తుంది.

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com