Home > World News > International > మళ్లీ అమెరికా, ఉత్తరకొరియాల మధ్య మాటల తూటాలు

మళ్లీ అమెరికా, ఉత్తరకొరియాల మధ్య మాటల తూటాలు

కొలంబియాలో ముగ్గురు పురుషుల పెళ్ళికి చట్టబద్ధత
రాణి డయానా గురించి షాకింగ్‌ న్యూస్‌

kim jan un_apduniaఅమెరికా, ఉత్తర కొరియాల మధ్య మాటల తూటాలు పేలుతున్నాయి. ఇరు దేశాల మధ్య నెలకొన్న ఉద్రిక్తత పరిస్థితుల వల్ల ఏం జరుగుతుందోననే భయం వ్యక్తమవుతోంది. గత వారం పది రోజులు స్తబ్దుగా ఉన్న అమెరికా, ఉత్తర కొరియాలు మరోసారి మాటల యుద్ధానికి దిగాయి. అమెరికాను చేరుకోగల ఖండాంతర బాలిస్టిక్ క్షిపణి తయారీ తుది దశకు చేరుకుందంటూ ఉత్తర కొరియా అధినేత కిమ్ జాంగ్ ఉన్ చేసిన వ్యాఖ్యలను డొనాల్డ్ ట్రంప్ కొట్టిపారేశారు. ఉత్తర కొరియాకు అది సాధ్యం కాదని ట్రంప్ ట్వీట్ చేశారు. ట్రంప్ ట్వీట్ పై ఉత్తర కొరియా కూడా అంతే ఘాటుగా స్పందించింది.అమెరికాపై అణుదాడికి సమయం ఆసన్నమైందని ఉత్తర కొరియాకు చెందిన ఓ ఉన్నతాధికారి తెలిపారు. న్యూయార్క్ తమకు కేవలం 10,400 కిలోమీటర్ల దూరంలోనే ఉందని… ఈ దూరం తమకు ఓ లెక్కకాదని ఆయన వ్యాఖ్యానించాడు. ఉత్తర కొరియాను తక్కువగా అంచనా వేస్తున్న అమెరికా దీనికి బారీ మూల్యం చెల్లించుకోక తప్పదని హెచ్చరించారు. గత కొన్ని నెలలుగా ఉత్తర కొరియా క్షిపణి పరీక్షలు నిర్వహిస్తూ కవ్వింపు చర్యలకు పాల్పడుతోంది. అణ్వాయుధాలను మోసుకుపోయే సామర్థ్యం గలిగిన క్షిపణులను పరీక్షిస్తూ అమెరికాను రెచ్చగొట్టే ప్రయత్నం చేస్తోంది. మరోవైపు అమెరికా కూడా ఉత్తర కొరియా దిశగా తన సేనలు మెహరించింది. అంతే కాదు జపాన్‌ కూడా తన యుద్ధ నౌకలను తూర్పు చైనా సముద్ర ప్రాంతంలో అమెరికాకు సాయంగా పంపింది. అమెరికా యుద్ధ నౌక యూఎస్ఎస్ కార్ల్ విన్సన్ కొరియాకు సమీపంలోనే మెహరించి ఉంచారు. తమపై దాడి చేస్తే అణ్వాయుధాలను ప్రయోగిస్తామంటూ ఉత్తర కొరియా అధ్యక్షుడు కిమ్ జోంగ్ ఉన్ ప్రకటించారు.

Leave a Reply

Your email address will not be published. Required fields are marked *