Home > General > ఆధార్‌కు రెండంచెల భద్రత

ఆధార్‌కు రెండంచెల భద్రత

దుర్గగుడిలో సెక్యూరిటీ అంతా డొల్లేనా
కోడి పందాల్లో ఇండియా పాకిస్తాన్

aadhaar-apduniaఆధార్ వివరాలు లీకయ్యాయనే వార్తలు రావడంతో యూనిక్ ఐడెంటిఫికేషన్ అథారిటీ ఆఫ్ ఇండియా అప్రమత్తమైంది. ఆధార్‌కు రెండంచెల భద్రతను ఏర్పాటు చేస్తున్నట్లు ప్రకటించింది. ఇందులో భాగంగా వర్చువల్ ఐడీని క్రియేట్ చేయనున్నట్లు స్పష్టం చేసింది. ఎక్కువ సంఖ్యలో ఏజెన్సీలు ఆధార్ నంబర్‌ను తమ వద్ద ఉంచుకోకుండా కట్టడి చేసేందుకు తగిన చర్యలు తీసుకోనుంది. ఇందుకోసం కేవైసీ సేవలను పరిమితం చేస్తూ.. యూఐడీఏఐ యునిక్ యూఐడీ టోకెన్‌ను అందించనుంది.ఈ రెండంచెల భద్రత విధానం ద్వారా ఆధార్‌ డేటాబేస్‌ను పటిష్టంగా తీర్చిదిద్దొచ్చని యూఐడీఏఐ భావిస్తోంది. వర్చువల్ ఐడీ ద్వారా ప్రతిసారీ ధృవీకరణ కోసం ఆధార్ నంబర్‌ను షేర్ చేసే అవసరం ఉండదు. 16 డిజిట్లతో ఉండే వర్చువల్ ఐడీ ర్యాండమ్‌గా జనరేట్ అవుతుంది. ఆధార్ నంబర్ బదులు ధృవీకరణ కోసం ఈ ఐడీనే ఉపయోగించొచ్చు. వర్చువల్ ఐడీలో వెరిఫికేషన్‌కు అవసరమైన పేరు, అడ్రస్, ఫొటో లాంటి పరిమిత వివరాలు మాత్రమే ఆథరైజ్డ్ ఏజెన్సీ పొందుతుంది. మిగతా వివరాలు గోప్యంగా ఉంటాయి.యూఐడీఏఐ వెబ్‌సైట్ ద్వారా మనకు నచ్చినన్ని వర్చువల్ ఐడీలను జనరేట్ చేసుకోవచ్చు. కొత్త వర్చువల్ ఐడీ రూపొందగానే, పాతది దానంతట అదే రద్దవుతుంది. మార్చి 1 నుంచి వర్చువల్ ఐడీలను యూఐడీఏఐ అంగీకరిస్తుంది.లిమిటెడ్ కేవైసీ సదుపాయం ద్వారా ఏజేన్సీలు ఆధార్ నంబర్‌ను భద్రపరచడానికి వీలుండదు. అవసరాన్ని బట్టి, పరిమితమైన వివరాలను మాత్రమే ధృవీకరణ పొందిన ఏజెన్సీ వివరాలను పొందుపరచగలదు. టోకెన్ల ద్వారా ఏజెన్సీలు తమకు మాత్రమే పరిమితమైన అంశాలనే పొందగలవు. జూన్ 1 నుంచి ఏజెన్సీలు నూతన సిస్టమ్‌లోకి మారాల్సి ఉంటుంది.

Tags:

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com