Home > World News > ప్రవాసీయుల్లో భారతీయులే టాప్

ప్రవాసీయుల్లో భారతీయులే టాప్

పాకిస్థాన్ తీరు గర్హనీయం : కేంద్రమంత్రి సుష్మ
భాగ్యనగర్ ను గుర్తు చేసుకుంటున్న ఇవాంక

unitied nations-apduniaవిదేశాల్లో నివసిస్తోన్న ప్రవాసీల్లో భారతీయులే ముందున్నారని, భారత్‌కు చెందిన సుమారు 16 మిలియన్ల మంది వివిధ దేశాల్లో జీవిస్తున్నారని ఐక్యరాజ్యసమితి నివేదిక తెలిపింది. 2015 నాటికి మొత్తం 243 మిలియన్ల అంతర్జాతీయ ప్రవాసీల్లో భారతీయలే 6 శాతంగా ఉన్నారు. 2010లో వీరి సంఖ్య 10 శాతం పెరిగినట్లు ఐరాస నివేదిక తెలియజేసింది. 2015 నాటికి 7.3 బిలియన్ల ప్రపంచ జనాభాలోని ప్రతి 30 మందిలో ఒకరు విదేశాలకు వలసపోతున్నారని, 2010తో పోల్చితే ఇది 0.1 శాతం పెరిగిందని పేర్కొంది. ఐరాసకు చెందిన అంతర్జాతీయ వలవాదుల సంస్థ ‘వరల్డ్ మైగ్రేషన్ రిపోర్ట్ 2018’ పేరుతో ఈ నివేదికను ప్రకటించింది.ప్రపంచంలో ఉన్న మొత్తం ప్రవాసీల్లో సగం మంది ఆసియావాసులేనని నివేదిక బహిర్గతం చేసింది. వీళ్లలో అధిక శాతం భారత్, చైనా, ఇతర దక్షిణా దేశాలకు చెందిన వారేనని తెలిపింది. భారత్ తర్వాతి స్థానంలో మెక్సికో, రష్యా, చైనా, బంగ్లాదేశ్, పాకిస్థాన్ వాసులు ఉన్నారు. అంతర్జాతీయ వలస జనాభాలో 20 నుంచి 64 ఏళ్ల మధ్య వ్యక్తులే అధికంగా ఉన్నారని, 1970 నుంచి వీరి సంఖ్య 72 శాతంగా ఉందని పేర్కొంది. అంతర్జాతీయ వలసవాదులకు అమెరికా గమ్యస్థానంగా మారిందని, 1970లో 12 మిలియన్లుగా ఉన్న వీరి శాతం, 2015 నాటికి 46.6 మిలియన్లకు చేరింది. వీరిలో 2 మిలియన్లు మంది భారతీయులే ఉన్నారు. అత్యధిక శాతం భారతీయులు గల్ఫ్ దేశాలకు వలసపోతుండగా, ఆ తర్వాత అమెరికాకు వలసపోతున్నారు.

యూఏఈలో 3.5 మిలియన్లు, అమెరికాలో 2 మిలియన్లు, సౌదీ అరేబియాలో 1.9 మిలియన్లు ప్రవాసీ భారతీయులు ఉన్నారు. ఈ దేశాల్లో వలసవాదులకు రక్షణకు చర్యలు మరింత పటిష్ఠం చేయడంతో అత్యధికంగా తరలిపోతున్నారని ఇమ్మిగ్రేషన్ నిపుణులు పేర్కొంటారు. అయితే ప్రస్తుతం అమెరికా హెచ్-1బి వీసా నిబంధనలు సంక్లిష్టం చేయడంతో భారతీయులు తీవ్రంగా ప్రయత్నాలు చేస్తున్నారని తెలిపారు. కానీ గల్ఫ్ దేశాల్లో ఇటీవల చోటుచేసుకుంటున్న పరిణామాలతో ఆ దేశానికి వలసపోయే వారి సంఖ్య తగ్గిపోయింది

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com