Home > Movies > 16న వెంకీ, తేజ సినిమా

16న వెంకీ, తేజ సినిమా

విశాల్ దూకుడు పెంచాడు
విజయ్ ‘మెర్సల్’ సినిమాకు తలైవా మద్దతు

venkatesh-teja-apduniaవెంకటేష్ హీరోగా తేజ దర్శకత్వంలో సెట్స్‌పైకి వెళ్లనున్న తర్వాతి సినిమాకు తాజాగా ముహూర్తం ఫిక్స్ అయింది. వచ్చే నెల 16వ తేదీన పూజా కార్యక్రమాలతో ప్రారంభం కానున్న ఈ సినిమా అదే రోజు నుంచి రెగ్యులర్ షూటింగ్ జరుపుకోనుంది. సురేష్ ప్రొడక్షన్స్ నిర్మించనున్న ఈ సినిమాకు ఇంకా వెంకీ సరసన హీరోయిన్ ఎవరనేది ఫిక్స్ అవలేదు. ప్రస్తుతం పలువురు హీరోయిన్ల పేర్లు పరిశీలనలో వున్నప్పటికీ అందులో ఎవరిని తీసుకుంటారనేది ఇంకా ఖరారవలేదు. గురు సినిమా తర్వాత చాలా గ్యాప్ తీసుకుని వెంకీ సైన్ చేసిన సినిమా ఇదే. గురు సినిమా విమర్శకుల ప్రశంసలు అందుకున్నప్పటికీ.. కమెర్షియల్‌గా ఆశించినంత సక్సెస్ అందుకోలేకపోయానని కాస్త డిజప్పాయింట్ అయిన వెంకీ మళ్లీ ఈ సినిమాతో తన స్టామినాని చాటుకోవాలని చూస్తున్నాడు. ఇక డైరెక్టర్ తేజ విషయానికొస్తే, దాదాపు దశాబ్ధ కాలం తర్వా నేనే రాజు నేనే మంత్రి సినిమాతో మళ్లీ తన సత్తా ఏంటో చాటుకున్న దర్శకుడు ఆయన. ఈ ఇద్దరి క్రేజీ కాంబినేషన్‌లో తెరకెక్కనున్న సినిమా కావడంతో ఈ మూవీ ఎలా వుండనుందా అనే ఆసక్తి ఆడియెన్స్‌లో సహజంగానే నెలకొని వుంది.

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com