Home > Crime > పరారీలో వనితారెడ్డి….

పరారీలో వనితారెడ్డి….

సంధ్యారాణి మృతదేహానికి పోస్టుమార్టం పూర్తి
మాఫియా డాన్‌కు సొంత కొడుకు షాక్

vijay-sai-wife-vanitha-reddy-apduniaహాస్యనటుడు విజయ్ సాయి గత సోమవారం తన నివాసంలో ఆత్మహత్యకు పాల్పడిన విషయం తెలిసిందే. ఆత్మహత్య చేసుకోడానికి ముందు స్పెల్ఫీ వీడియోలో విజయ్ చెప్పిన వివరాల ఆధారంగా ఆయన భార్య వనితారెడ్డి, ఆమె తరఫు లాయర్, శశిధర్ అనే మరో వ్యక్తిపై పోలీసులు కేసు నమోదు చేశారు. యూసుఫ్‌గూడలోని తన ఫ్లాట్‌లో ఆత్మహత్యకు పాల్పడిన విజయ్…తన మృతికి భార్య వనిత రెడ్డితోపాటు న్యాయవాది శ్రీనివాస్‌, శశిధర్‌ కారణమని సెల్ఫీ వీడియోలో పేర్కొన్నారు. ఈ సెల్పీ వీడియోను ఫోరెన్సిక్‌ ల్యాబ్‌కు పోలీసులు పంపారు. విజయ్‌సాయి తండ్రి సుబ్బారావు ఇచ్చిన ఫిర్యాదుతో ఈ ముగ్గురిపై జూబ్లీహిల్స్‌ పోలీసులు కేసు నమోదు చేశారు.ఈ కేసులో వనితా రెడ్డికి నోటీసులు ఇచ్చేందుకు ప్రయత్నిస్తోన్న పోలీసులు ఆమె ఇంటి వెళ్లారు. పోలీసులు వెళ్లే సమయానికి ఆమె లేకపోవడంతో వనిత గురించి ఆమె తల్లిని ఆరా తీశారు. తన కుమార్తెకు జ్వరంగా ఉందని, తాను పోలీస్‌ స్టేషన్‌కు వస్తానని పోలీసులకు తెలిపింది. మరోవైపు పరారీలో ఉన్న వనితారెడ్డి సూర్యాపేటలో ఉన్నట్లు పోలీసులకు సమాచారం అందింది. లాయర్ శ్రీనివాస్‌‌ను ఫోన్ ద్వారా సంప్రదించేందుకు పోలీసులు చేసిన ప్రయత్నాలు కూడా ఫలించలేదు. ఆయన ఫోన్ అందుబాటులో లేకపోవడంతో గుర్తించేందుకు తీవ్రంగా ప్రయత్నిస్తున్నారు. ఈ కేసులో ఓ బడా కాంట్రాక్టరు పాత్రపై కూడా విచారిస్తున్నట్లు పోలీసులు తెలిపారు.ఈ ముగ్గురు నిందితులకు సంబంధించిన మూడు నెలల కాల్‌డేటాను పోలీసులు సేకరిస్తున్నారు. మరోవైపు విజయ్ సాయి ఆత్మహత్యకు పాల్పడటానికి ముందు రోజు తన భార్య వనితా రెడ్డికి ఫోన్ చేసినట్లు కాల్ డేటా ఆధారంగా గుర్తించారు. తనతో రెండు రోజులు ఆనందంగా గడపాలనుందని, జీవితంలో ఇంకెప్పుడూ ఇబ్బంది పెట్టనని, ఇదే చివరిసారని విజయ్ అన్నట్లు సమాచారం. తమ ఇంట్లోని కారును దొంగతం చేశారని విజయ్ తండ్రి తన ఫిర్యాదులో పేర్కొన్నాడు. కారు తాళాలు తమ దగ్గరే ఉండగా, ఫ్లాట్‌లోకి కారు మాయమైందని ఆయన తెలిపారు. వనితా రెడ్డి ఆధార్‌లో ఓ తండ్రి పేరు, పాస్‌పోర్ట్‌లో మరో పేరు ఉందని, విజయ్ కంటే ముందు మరో వ్యక్తితో ఆమెకు వివాహం అయ్యిందని సుబ్బారావు తెలియజేశారు.

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com