Home > Sports > వన్డే ర్యాంకింగ్స్ లో విరాట్ టాప్

వన్డే ర్యాంకింగ్స్ లో విరాట్ టాప్

హాకీకి మోక్షం ఎప్పుడు
రెండు దేశాలకు చావో, రేవో
 
viratటీమిండియా కెప్టెన్ విరాట్ కోహ్లి ఐసీసీ వన్డే బ్యాట్స్‌మెన్ ర్యాంకింగ్స్‌లో తిరిగి అగ్రస్థానానికి చేరుకున్నాడు. తన ఐపీఎల్ సహచరుడు ఏబీ డివిలియర్స్‌కు ఇటీవలే నంబర్ 1 స్థానాన్ని కోల్పోయిన విరాట్.. తిరిగి టాప్ పోజిషన్‌కు చేరుకున్నాడు. కివీస్‌పై తొలి వన్డేలో 121 పరుగుల చేసిన కోహ్లి, మూడో వన్డేలో 113 పరుగులు చేశాడు. మూడు వన్డేల్లో కలిపి 263 పరుగులు చేయడంతో 889 రేటింగ్ పాయింట్లు సాధించాడు. దీంతో భారత్ తరఫున అత్యధిక రేటింగ్ పాయింట్లు సాధించిన ఆటగాడిగా విరాట్ రికార్డు సృష్టించాడు.1998లో సచిన్ 887 పాయింట్లు సాధించగా.. ఈ ఏడాది కోహ్లి దాన్ని సమం చేశాడు. కివీస్‌పై దూకుడుగా ఆడటంతో విరాట్ ఖాతాలో 889 పాయింట్లు చేరాయి. మూడో వన్డేలో 147 పరుగులతోపాటు మూడు వన్డేల్లో 174 రన్స్ చేసిన రోహిత్ శర్మ కూడా కెరీర్ బెస్ట్ (799) పాయింట్లతో ఏడో స్థానానికి చేరుకున్నాడు. ధోనీ ఒక మెట్టు ఎక్కి 11వ స్థానానికి చేరుకోగా, న్యూజిలాండ్ బ్యాట్స్‌మెన్ టామ్ లాథమ్ 15 స్థానాలు ఎగబాకి 23వ ర్యాంక్‌ను సొంతం చేసుకున్నాడు.బౌలర్ల ర్యాంకింగ్స్ విషయానికి వస్తే.. పాకిస్థాన్ పేస్ బౌలర్ హసన్ అలీ అగ్రస్థానంలో కొనసాగుతున్నాడు. కివీస్‌పై 6 వికెట్లు తీసి ఆకట్టుకునే ప్రదర్శన చేసిన బుమ్రా మూడో స్థానానికి చేరుకున్నాడు. బుమ్రా కెరీర్లో ఇది అత్యుత్తమం కావడం విశేషం. జట్ల ర్యాంకింగ్స్‌లో టీమిండియా కంటే 2 పాయింట్లు ఎక్కువ సాధించిన సఫారీలు అగ్రస్థానంలో కొనసాగుతున్నారు. టీమిండియా 121 పాయింట్లతో రెండో స్థానంలో కొనసాగుతోంది

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com