Home > Politics > పవన్ కు జగన్ కౌంటర్

పవన్ కు జగన్ కౌంటర్

పోలవరంపై రాజీ పడేది లేదు
ప్రాజెక్టుల సత్వర పూర్తే సర్కార్ లక్ష్యం : కేసీఆర్

ysjagan-pawan-kalyan-apduniaవైఎస్ హయాంలో అవినీతి జరిగింది.. వైఎస్ మరణించిన వెంటనే జగన్ సీఎం కావాలని చూశాడు.. అనుభవం లేని ఆయన ఏం చేస్తాడనే గత ఎన్నికల సమయంలో వైసీపీకి మద్ధతు ప్రకటించలేదు..’ అని జనసేన అధినేత వ్యాఖ్యానించడం పట్ల వైఎస్ఆర్ కాంగ్రెస్ పార్టీ అధినేత జగన్ మోహన్ రెడ్డి రియాక్ట్ అయినట్టుగా వార్తలు వస్తున్నాయి. ప్రజాసంకల్పం పాదయాత్రలో ఉన్న వైఎస్ జగన్ మోహన్ రెడ్డి చిట్‌చాట్ గా పవన్ కల్యాణ్ పై హాట్ కామెంట్స్ చేసినట్టుగా టెలివిజన్ మీడియాలో వార్తలు వస్తున్నాయి.ఇంతకీ జగన్ ఏమన్నారంటే.. ‘వైఎస్ హయాంలో అవినీతి జరిగింది అని పవన్ కల్యాణ్ అన్నారు.. అప్పుడు ఆయన ఎక్కడ ఉన్నారు? నా అనుభవం గురించి పవన్ మాట్లాడారా.. అయితే ‘ప్రజారాజ్యం’ పార్టీ పెట్టే సమయానికి చిరంజీవి, పవన్ కల్యాణ్ లకు ఉన్న అనుభవం ఏమిటి? పవన్ కల్యాణ్ కు చిత్తశుద్ధి లేదు.. రెండు మూడు రోజుల పాటు హడావుడి చేయడం, ఆ తర్వాత మాయమైపోవడం అందరం గమనిస్తూనే ఉన్నాం. తెలుగుదేశం పార్టీ ప్రయోజనాల కోసమే పవన్ కల్యాణ్ మీడియా ముందుకు వస్తుంటాడు. వైఎస్సార్ కాంగ్రెస్ పార్టీ ఎమ్మెల్యేలు పోలవరానికి బస్సు యాత్రను చేపట్టినప్పుడే పవన్ కూడా పోలవరం సందర్శనకు వెళ్లాడు.తెలుగుదేశం పార్టీకి ఏదైనా ఇబ్బందికరమైన పరిస్థితి తలెత్తినప్పుడే పవన్ మీడియా ముందుకు వస్తారు. హడావుడి చేస్తారు. వైఎస్ హయాంలో అవినీతి జరిగిందనుకున్నప్పుడు.. ప్రజారాజ్యం పార్టీని కాంగ్రెస్ లోకి ఎలా విలీనం చేశారు? ఆ విలీనంలో ఏం అవినీతి జరిగింది?’ అని జగన్ మీడియాతో చిట్ చాట్ గా వ్యాఖ్యానించినట్టుగా వార్తలు వస్తున్నాయి. మరోవైపు వైసీపీ ఎమ్మెల్యే రోజా కూడా పవన్ కల్యాణ్ టీడీపీ ఏజెంట్ గానే వ్యవహరిస్తున్నారని వ్యాఖ్యానించారు.

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com